កូវីដ-១៩

ក្រុមគ្រូពេទ្យខេត្តសៀមរាប ធ្វើតេស្តយកសំណាកលើអាជីវករផ្សារលើធំថ្មីនិងផ្សារផាមកុងទីន័រ៧៩៩នាក់ រកឃើញវិជ្ជមាន ៨នាក់

បានផុស

៥ years មុន

នៅ

ថ្ងៃពុធ ១១ សីហា ២០២១

ដោយ

សៀមរាប ៖ ក្នុងកាលៈទេសៈដ៏លំបាកនេះ មានតែការចូលរួមពីបងប្អូន ពូ មីង ប្រជាពលរដ្ឋក្នុងខេត្តសៀមរាប ត្រូវតែប្រុងប្រយ័ត្នខ្លួននៅក្នុង (ផេកផ្លូវការ) របស់លោក ទៀ សីហា អភិបាលខេត្តសៀមរាប បានបង្ហោះសារថា បើយើងរួមគ្នាអនុវត្តវិធានការសុខាភិបាល ឲ្យបានគ្រប់ៗគ្នា យើងនឹងការពារបាន និងអាចកាត់បន្ថយនៃការចម្លងក៏កាន់តែមានប្រសិទ្ធភាព កុំឲ្យជំងឺនេះប៉ះដល់ខ្លួនយើង និងក្រុមគ្រួសាររបស់យើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនៅថ្ងៃទី១១ ខែសីហា ២០២១នេះ ក្រុមគ្រូពេទ្យអាវសរ របស់រដ្ឋបាលខេត្តសៀមរាបបានធ្វើតេស្តយកសំណាកលើបងប្អូនអាជីវករនៅផ្សារបណ្តោះអាសន្ន (ផាមកុងទីន័រ) សរុប ៣៦៧នាក់ យើងរកឃើញវិជ្ជមាន ៥នាក់ និងនៅផ្សារលើធំថ្មី សរុប ៤៣២នាក់ យើងរកឃើញ៣នាក់។ ចំពោះករណីឆ្លងនៅតែមានជាបន្តបន្ទាប់ ក្នុងចំណោមបងប្អូនអាជីវករដែលវិជ្ជមានខាងលើ អ្នកខ្លះអាចជាជំងឺកូវីដ-១៩ ប្រភេទ “ដែលតា” ផងដែរ ដែលកំពុងវ៉ៃលុកចូលក្នុងសហគមន៍យើងយ៉ាងឆាប់រហ័សបំផុត។

លោក អភិបាល នៅតែទទូចសុំឲ្យបងប្អូនប្រជាពលរដ្ឋ ត្រូវបន្តបង្កើនការប្រុងប្រយ័ត្ន នឹងយកចិត្តទុកដាក់ឲ្យបានខ្ពស់បន្ថែមទៀត គឺត្រូវអនុវត្តតាមវិធានការ ៣ការពារ ៣កុំ ពាក់ម៉ាស់ឲ្យជាប់ ឧស្សាហ៍លាងដៃជាមួយសាប៊ូ អាល់កុល រាល់ពេលប៉ះជាមួយសម្ភារផ្សេង ដើម្បីជៀសឆ្ងាយពីជំងឺកូនវីដ១៩ ប្រភេទ Delta នេះ។ ការពារខ្លួនឯងស្មើនឹងការពារក្រុមគ្រួសាររបស់លោកអ្នក។ ៣.ការពារ: ត្រូវពាក់ម៉ាស់, ត្រូវលាងដៃ, ត្រូវគម្លាតបុគ្គល។ ៣.កុំ: កុំនៅបន្ទប់បិទជិត, កុំនៅកន្លែងកុះករ, កុំនៅប៉ះពាល់គ្នា៕

ដោយ ៖ គឿនវេត