កូវីដ-១៩

ផ្ទុះឆ្លងកូវីដ១៩ ដល់មន្រ្តី និងអ្នកទោសក្នុងពន្ធនាគារខេត្តស្ទឹងត្រែងជាង៣០០នាក់

បានផុស

២ years មុន

នៅ

ថ្ងៃព្រហស្បតិ៍ ៩ ធ្នូ ២០២១

ដោយ

អ្នកទោសនៅក្នុងពន្ធនាគារខេត្តស្ទឹងត្រែងចំនួន ៣០០ នាក់និងមន្ត្រីអនុរក្សពន្ធនាគារចំនួន៨ នាក់ត្រូវបានក្រុមគ្រូពេទ្យនៃមន្ទីរសុខាភិបាលខេត្តស្ទឹងត្រែងចុះពិនិត្យធ្វើតេស្ត រកឃើញវិជ្ជមានឆ្លងកូវីត១៩។

លោក ទន វុទ្ធី អនុប្រធានមន្ទីរសុខាភិបាលបានប្រាប់អ្នកយកព័ត៌មានឲ្យដឹងថា ក្រោយពីអ្នកទោសក្នុងប្រព័ន្ធនាគារមានអាការសង្ស័យឆ្លងជំងឺកូវីដ១៩ ក្រុមគ្រូពេទ្យនៃមន្ទីរ សុខាភិបាលខេត្តស្ទឹងត្រែងបានចុះពិនិត្យមើលពិរុទ្ធជននៅក្នុងពន្ធនាគារកាលពីព្រឹកថ្ងៃទី៩ ខែធ្នូនេះ បានរកឃើញអ្នកឆ្លង កូវីដ១៩ ចំនួន ៣០៨ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអនុប្រធានមន្ទីសុខាភិបាលបានបន្តឲ្យដឹងទៀតថាអ្នកទោសចំនួន ៣០០ នាក់និងមន្ត្រីអនុរក្ស ៨នាក់ត្រូវបានធ្វើតេស្តដោយឧបករណ៍រ៉ាប់ពីតេស្ត និងម៉ាស៊ីន ភីស៊ីអ ក្នុងនោះបានបញ្ជាក់ថាពួកគេឆ្លងមេរោគកូវីដ១៩។ បច្ចុប្បន្នពិរុទ្ធជនរួម និងមន្ត្រីអនុរក្សពន្ធនាគារឆ្លងកូវីត១៩ ត្រូវបានមន្ទីរសុខាភិបាលប្រគល់ថ្នាំសម្រាប់ព្យាបាលជំងឺកូវីដ១៩ ទៅឱ្យពេទ្យប្រចាំពន្ធនាគារដើម្បីព្យាបាល។

អ្នកទោស និងមន្ត្រីអនុរក្សឆ្លងជំងឺកូវីដ១៩ ត្រូវបានគេសន្និដ្ឋានថាអាចឆ្លងមកពីក្រុមគ្រួសាររបស់ពិរុទ្ធជនមកសួរសុខទុក្ខធ្វើឱ្យឆ្លងពីមួយទៅមួយកើនឡើងដល់ជាង ៣០០ នាក់។

លោកបញ្ជាក់បន្ថែមថា អ្នកទោសដែលពិនិត្យឃើញវិជ្ជមានកូវីត១៩ មិនធ្ងន់ធ្ងរអាចព្យាបាលនូវកន្លែងនិងមានក្រុមគ្រូពេទ្យចុះទៅពិនិត្យមើលសុខភាពជាប្រចាំ លើកលែងតែធ្ងន់ធ្ងរនឹងត្រូវបញ្ជូនទៅព្យាបាលនៅមន្ទីរពេទ្យ។

ទាក់ទងក្នុងករណីផ្ទុះជំងឺកូវីដ១៩ខាងលើនេះ លោកឈុន ដារ៉ា ប្រធានពន្ធនាគារខេត្តស្ទឹងត្រែងបានបញ្ជាក់ប្រាប់អ្នកសារព័ត៌មានថា មិនមែនឆ្លងដល់ជាង ៣០០នាក់ជាងនោះទេ គឺមានត្រឹមតែបីបួននាក់តែប៉ុណ្ណោះ ហាក់បីដូចមានការលាក់បាំង៕

អត្ថបទ៖ ងិនលីម

Related Topics:កូវីដ-១៩