ប៉ូលិសឲ្យមហាជនកុំចែកចាយព័ត៌មានក្លែងក្លាយ ដែលថា Kris Wu ស្លាប់ក្នុងគុក

បន្ទាប់ពីមានពាក្យចចាមអារ៉ាមពីប្រព័ន្ធផ្សព្វផ្សាយសង្គមចិនថា អតីតសមាជិក EXO លោក Kris Wu បានស្លាប់ក្នុងពន្ធនាគារ ក្រោយកូដកម្មអត់អាហារច្រើនថ្ងៃ។ យ៉ាងណា អាជ្ញាធរបានចេញការព្រមានមហាជន ជាពិសេសអ្នកគាំត្រឲ្យចៀសវាងការបោះពុម្ពផ្សាយព័ត៌មានដែលមិនបានផ្ទៀងផ្ទាត់ ដើម្បីការពារការយល់ច្រឡំណាមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រព័ន្ធផ្សព្វផ្សាយចិន NetEase អ្នកសរសេរប្លុកកម្សាន្តម្នាក់បានអះអាងថា លោក Kris Wu បានស្លាប់ក្នុងពន្ធនាគារដោយសារតែអស់កម្លាំងរាងកាយធ្ងន់ធ្ងរបន្ទាប់ពីកូដកម្មអត់អាហារយូរ។ ពាក្យចចាមអារ៉ាមនេះ បានបង្កឲកុមានការព្រួយបារម្ភយ៉ាងទូលំទូលាយ ខណៈដែលអតីតតារាប្រុសគឺជាអ្នកទោសពិសេសម្នាក់ដែលស្ថិតនៅក្រោមការឃ្លាំមើលយ៉ាងជិតស្និទ្ធចាប់ពីការចាប់ខ្លួនរហូតដល់ការកាត់ទោស។ អាជ្ញាធរចិនអះអាងថា ព័ត៌មានអំពីការឃុំខ្លួនរបស់គាត់នៅតែជាការសម្ងាត់កំពូលដដែល។

បន្ថែមពីលើករណីរំលោភផ្លូវភេទ របាយការណ៍ប្រព័ន្ធផ្សព្វផ្សាយចិនបង្ហាញថា ទោសជាប់ពន្ធនាគាររបស់គាត់ត្រូវបានពន្យារពេលដោយសារតែការកាត់ទោស និងម្តាយរបស់គាត់ពីបទរំលោភសេពសន្ថវៈជាក្រុម ព្រមទាំងឧក្រិដ្ឋកម្មផ្លូវភេទ។ គាត់បានគេចវេសពន្ធដែលមានតម្លៃរហូតដល់ ៣០០ លានយ័ន។

ទន្ទឹមនឹងនេះ ពាក្យចចាមអារ៉ាមបានបង្ហាញថា Wu Yifan ស្ថិតក្នុងស្ថានភាពវេទនានៅក្នុងពន្ធនាគារ ព្រោះមិនត្រឹមតែគាត់ប៉ុណ្ណោះទេ ប៉ុន្តែម្តាយ និងបងប្អូនជីដូនមួយរបស់គាត់ក៏ត្រូវបានជាប់ពន្ធនាគារពីបទពាក់ព័ន្ធនឹងឧក្រិដ្ឋកម្មហិរញ្ញវត្ថុផងដែរ។

យ៉ាងណាមិញ ប្រព័ន្ធផ្សព្វផ្សាយចិនជាច្រើនបានទាក់ទងប៉ូលិសដែលទទួលខុសត្រូវចំពោះករណីនេះ ដើម្បីសុំការបញ្ជាក់ ប៉ុន្តែមិនទាន់ទទួលបានការឆ្លើយតបជាផ្លូវការនៅឡើយទេ។ ពួកគេក៏បានចេញការព្រមានដល់សាធារណជនឲ្យចៀសវាងការផ្សព្វផ្សាយព័ត៌មានដែលមិនទាន់បានផ្ទៀងផ្ទាត់ដើម្បីចៀសវាងផលវិបាកផ្នែកច្បាប់ដែលអាចកើតមាននៅពេលក្រោយ។

គួរជម្រាបជូនថា Kris Wu អតីតសមាជិក EXO ត្រូវបានចាប់ខ្លួនក្នុងខែកក្កដា ឆ្នាំ ២០២១ បន្ទាប់ពី Du Meizhu អតីតអ្នកមានឥទ្ធិពលម្នាក់ បានចោទប្រកាន់គាត់ពីបទប្រើប្រាស់កិត្តិនាមដើម្បីទាក់ទាញស្ត្រីជាច្រើននាក់ រួមទាំងអនីតិជនឲ្យរួមភេទជាមួយគាត់។ បន្ទាប់ពីការស៊ើបអង្កេតជាផ្លូវការ តុលាការបានរកឃើញថា តារាចម្រៀងប្រុសមានទោសពីបទរំលោភសេពសន្ថវៈជាក្រុម (ជាមួយមិត្តភក្តិ) ហើយបានកាត់ទោសគាត់ឲ្យជាប់ពន្ធនាគារ ១៣ ឆ្នាំ។ នៅពេលបញ្ចប់ការកាត់ទោស គាត់នឹងត្រូវនិរទេសចេញពីប្រទេសចិន និងហាមឃាត់មិនឲ្យចូលប្រទេសរយៈពេល ១០ ឆ្នាំ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

តួ ចាន់ចាវ ក្នុងរឿងភាគចិនឆ្នាំ៩៤ ទទួលមរណភាក្នុងវ័យ៥៩ឆ្នាំ