ជីវិតកម្សាន្ដ

យឿន ពិសី ស្ងប់ចិត្តក្រោយបុរសម្នាក់ទទួលកំហុសនិងធ្វើកិច្ចសន្យា

បានផុស

៥ years មុន

នៅ

ថ្ងៃសៅរ៍ ២៦ មិថុនា ២០២១

ដោយ

ភ្នំពេញ ៖ តារាចម្រៀង យឿន ពិសី ហាក់ជួបនូវបញ្ហាមិនសប្បាយចិត្តផ្ទួនៗគ្នាតែម្តង នាក្នុងអំឡុងខែនេះ ខណៈដែលរឿងមុនទើបដោះស្រាយចប់មិនទាន់បានប៉ុន្មានផង ក៏ស្រាប់កើតមានរឿងថ្មីមកដល់។

ជាក់ស្តែងកាលពីប៉ុន្មានថ្ងៃមុននេះ យឿន ពិសី ទើបជួបបញ្ហាស្មុគស្មាញមួយទៀតដោយត្រូវបានបុរសវ័យចំណាស់ម្នាក់បានផ្ញើសាររិះគន់និងថែមទាំងប្រើពាក្យជេរប្រមាថធ្ងន់ធ្ងរខ្លាំងរហូតធ្វើឲ្យ យឿន ពិសី កើតក្តីខឹងនិងក្តៅស្លឹកត្រចៀកក៏ស្វែងរកកិច្ចអន្តរាគមន៍ពីមន្ត្រីសមត្ថកិច្ចខេត្តបាត់ដំបងដើម្បីព្រមានផងដែរ។

បន្ទាប់ពីកើតមានករណីនេះឡើងភ្លាមៗនោះ យឿ ន ពិសី ក៏បានចេញដំណើរទៅដល់ទឹកដីខេត្តបាត់ ដំបងដើម្បីដោះស្រាយរឿងនេះហើយជាលទ្ធផលគឺបុរសរូបនោះបានយល់ព្រមទទួលស្គាល់កំហុសនិងបានធ្វើកិច្ចសន្យានៅខាងមុខសមត្ថកិច្ចទៀតផង។

តារាចម្រៀង យឿន ពិសី បានឲ្យដឹងថា ខ្លួនពិតជាបានឡើងទៅដលើខេត្តបាត់ដំបងផ្ទាល់ដើម្បីដោះ ស្រាយនូវរឿងរ៉ាវដែលពាក់ព័ន្ធជាមួយនឹងលោកពូម្នាក់ដែលបានជេរប្រមាថលោកនៅប៉ុន្មានថ្ងៃមុន។ លោកថាគាត់បានចូលខ្លួនមកសុំទោសនឹងព្រមទ ទួលកំហុសរបស់គាត់ដែលបានប្រព្រឹត្តខុសមកលើរូបលោកហើយ។

យឿន ពិសី បន្ថែមថា ដោយមានការសុំទោសនិងទ ទួលខុសលោកក៏មិនប្រកាន់ទោសអូសដំណើរគាត់បន្តទៅទៀតដែរគឺមានតែកាយោគយល់អធ្យាស្រ័យជាពិសេសលោកក៏មិនប្ដឹងផ្ដល់អ្វីឲ្យវែងឆ្ងាយត ទៅទៀតទេ។ លោកសង្ឃឹមថាទៅថ្ងៃមុខទៀតទង្វើទាំងអស់នេះនឹងមិនមានតទៅទៀតទេ៕

ដោយ ៖ ចាន់រ៉ា