រឿងពិត ខាន់ ជេមស៍ កាលជាង២០ឆ្នាំមុនធ្លាប់ផ្ញើវាសនាលើផ្ទៃសមុទ្រដ៏ធំល្វឹងល្វើយនៅស្រុកថៃ

ភ្នំពេញ៖ តារាចម្រៀង ខាន់ ជេមស៍ កន្លងមកមិនធ្លាប់បង្ហាញប្រាប់ពីប្រវត្តិអតីតកាលរបស់ខ្លួនមុនពេលចូលសិល្បៈឱ្យមហាជនបានដឹងឡើយ។ ប៉ុន្តែឥឡូវរឿងពិតនៃជីវិតរបស់លោកត្រូវបានលាតត្រដាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ខាន់ ជេមស៍ ពេលនេះទើបសម្រេចបើកកកាយពីប្រវត្តិរបស់ខ្លួនគួរឱ្យភ្ញាក់ផ្អើលថា កាលពីជាង២០ឆ្នាំមុន លោកធ្លាប់ផ្ញើវាសនាលើផ្ទៃសមុទ្រដ៏ធំល្វឹងល្វើយនៅស្រុកថៃ។ ទើបក្រោយមកចូលប្រឡូកលើវិស័យចម្រៀងតាមហាង បៀរហ្គាឌិន។

លោក ខាន់ ជេមស៍ បានថ្លែងបញ្ជាក់ថា កាលពីឆ្នាំ១៩៩៨ ជាកម្មករចុះទូកនៅប្រទេសថៃ។ ឆ្នាំ២០០២ ជាអ្នកចម្រៀងប្រចាំនៅបៀរហ្គាឌិន ដល់ឆ្នាំ២០០៧ មានវាសនាបានក្លាយជាតារាចម្រៀងល្បី និងឆ្នាំ២០ ២១ ជាតារាចម្រៀងផង ជាសហក្រិនផង។

បន្ថែមពីភាពជោគជ័យនេះលោក ខាន់ ជេមស៍ បានលើកឡើងថា៖ “ខ្ញុំពិតជាមានមោទនភាពចំពោះខ្លួនឯងណាស់ មិនថាពីមុនយើងជាអ្វី សូមឱ្យយើងមានក្តីស្រមៃឱ្យធំ និងមានការខិតខំប្រឹងប្រែងតស៊ូយ៉ាងពិតប្រាកដ ថ្ងៃណាមួយយើងនឹងជោគជ័យជាក់ជាមិនខាន”៕

អត្ថបទ៖ ចាន់រ៉ា