ជីវិតកម្សាន្ដ

នៅពីក្រោយភាពជោគជ័យបវរកញ្ញា ជិន នារីរ័ត្ន ទម្លាយរឿងសោកសៅខណ:ឪពុកស្លាប់ចំពេលប្រឡង

បានផុស

៣ years មុន

នៅ

ថ្ងៃអង្គារ ១០ សីហា ២០២១

ដោយ

បន្ទាប់ពីបញ្ចប់ការប្រកួតដ៏ស្វិតស្វាញកម្មវិធីបវរកញ្ញាឆ្លាតវៃ ឬMiss Wisdom2021បានរកឃើញម្ចាស់មកុដជាផ្លូវការហើយ ដោយកញ្ញាឯកមកពីខេត្តបាត់ដំបង គឺកញ្ញា ហុក សារិតុលា អាយុ១៩ឆ្នាំ ជាអ្នកគ្រងមកុដនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា ហុក សារិតុលា ក៏នឹងក្លាយជាតំណាងរបស់កម្ពុជាទៅប្រកួតនៅក្នុងប្រទេសវៀតណាមនាពេលខាងមុខផងដែរ។ ដោយឡែកសម្រាប់រឿងមួយទៀតដែលគេចាប់អារម្មណ៍នោះ គឺសម្រាប់បរវកញ្ញាលំដាប់រងទី២កញ្ញា ជិន នារីរ័ត្ន ថ្មីៗនេះបានចេញសារបង្កប់ន័យបង្ហាញពីការឈឺចាប់អំឡុងពេលកំពុងប្រឡង។

កញ្ញា ជិន នារីរ័ត្ន បានថ្លែងសាររៀបរាប់រឿងសោកសៅរបស់ខ្លួនថា បរវកញ្ញាគ្រប់គ្នាពេលទទួលបាន មកុដពួកគាត់រីករាយចំណែកខ្ញុំវិញពេលទទួលបាន មកុដប្រឹងសើច ញញឹមតែខាងក្រៅ តែក្នុងចិត្តវិញទឹកភ្នែកហូរ តែខ្ញុំទ្រាំត្រូវធ្វើខ្លួនឲ្យរឹងមាំ ប្រាប់ខ្លួនឯងថា កុំយំ ខំប្រឹងប្រែងដើម្បីបំពេញក្តីស្រម៉ៃរបស់ខ្លួនឯងនិងគ្រួសារនិងអ្នកដែលនៅជុំវិញខ្លួនខ្ញុំចាំផ្ដល់កម្លាំងចិត្តឱ្យ។

កញ្ញា ជិន នារីរ័ត្ន បាននិយាយបន្តថា ពេលកំពុងប្រកួតលោកពុកជាទីស្រលាញ់របស់ខ្ញុំគាត់បានលាចាកលោកចោលខ្ញុំ នាងខ្ញុំបានមកចូលរួមបុណ្យសពលោកពុកបានតែ២ថ្ងៃ។ បុណ្យ៧ថ្ងៃលោកពុកក៏ខ្ញុំមិនបានចូលរួមដែរ ដោយជាប់ធ្វើការហ្វឹកហាត់ ពេលនោះដែរនាងខ្ញុំក៏បានដាច់សរសៃរកែងជើងពេលកំពុងហ្វឹកហាត់។

នាងបន្ថែមថា ទោះជាខ្លួនឈឺហើមជើងពិបាកដើរយ៉ាងណាក៏នាងខំប្រឹង ដើម្បីបំពេញក្តីស្រម៉ៃខ្លួនឯងនិងលោកពុកដែរ តែប៉ុន្មានថ្ងៃសោះហេតុអី្វពុកមិនរងចាំមើលភាពជោគជ័យរបស់កូន។ លោកពុកតែងតែនិយាយថា ចង់ឃើញកូនគ្រងឈុតតំណាងជាតិ ហេតុអី្វមិនរងចាំមើលកូនគ្រងសិន កូននឹកពុក កូនស្រលាញ់ពុកខ្លាំងណាស់៕

អត្ថបទ ៖ ចាន់រ៉ា