ជីវិតកម្សាន្ដ

សាយ បង្កើតកម្មវិធីថ្មីមួយទៀតដើម្បីភ្ជាប់ទំនាក់ទំនងការងារមនុស្សធម៌

បានផុស

៣ years មុន

នៅ

ថ្ងៃពុធ ១៨ សីហា ២០២១

ដោយ

តារាចម្រៀងលោក អួន បឋម ហៅ សាយ បានប្រកាសបង្កើតកម្មវិធីមួយទៀតដែលជាផ្នែកមួយដើម្បីរក្សាសុខភាពផ្លូវកាយ និងតភ្ជាប់ទំនាក់ទំនងរវាងគ្នានិងគ្នាព្រមទាំងបានចូលរួមក្នុងកិច្ចការងារមនុស្សធម៌សង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាយ បានបញ្ជាក់ថា ឆ្នាំ២០២០ និង២០២១ គឺជាឆ្នាំដ៏លំបាកសម្រាប់ពួកយើងទាំងអស់គ្នា ជំងឺកូវីដ-១៩បានផ្លាស់ប្ដូររបៀបការរស់នៅរបស់ពួកយើង និងធ្វើឱ្យបាត់បង់នូវប្រភពចំណូលជាច្រើនរបស់សហគ្រាសនិងស្ថាប័ននានាដែលកំពុងធ្វើប្រតិបត្តិការជួយដល់សង្គម។

លោកបន្តថា វាព្រមទាំងបានប៉ះពាល់ដល់ទម្លាប់ការថែរក្សាសុខភាព និងកាត់ផ្ដាច់ទំនាក់ទំនងរវាងពួកយើងទាំងអស់គ្នា។ ដើម្បីឆ្លើយតបជាមួយនឹងស្ថានភាពបរិបទថ្មីមួយនេះពួកយើងបានបង្កើតនូវកម្មវិធី “RUN WITH SAI Virtual Run 2021″។

លោក សាយ បន្ថែមទៀតថា នេះជាផ្នែកមួយដើម្បីរក្សាសុខភាពផ្លូវកាយនិងតភ្ជាប់ទំនាក់ទំនងរវាងគ្នានឹងគ្នាដើម្បីរក្សាសុខភាពផ្លូវចិត្តព្រមទាំងបានចូលរួមក្នុងកិច្ចការងារមនុស្សធម៌។ ចូលរួមជាមួយពួកយើងដើម្បីសុខភាព ចូលរួមជាមួយពួកយើងដើម្បីកិច្ចការងារមនុស្សធម៌៕

អត្ថបទ ៖ ចាន់រ៉ា