ហ្វេនត្រៀមជូតទឹកភ្នែក ភាពយន្ត “More Than Blue” ត្រូវបានថតម្ដងទៀត ជាស៊េរីរឿងភាគនៅលើ Netflix

ខ្សែភាពយន្តមនោសញ្ចេតនាខ្នាតធំរបស់ តៃវ៉ាន់ ដែលល្បីល្បាញខ្លាំងកាលពីឆ្នាំ ២០១៨ ត្រូវបានក្រុមហ៊ុន Netflix យកមកផលិតជាថ្មី ដោយកែប្រែជារឿងភាគវិញម្ដង នៅឆ្នាំ ២០២១នេះ។

នាពេលថ្មីៗនេះ រឿង More Than Blue ដែលទទួលបានប្រជាប្រិយភាពខ្លាំង​កាលពី ៣ឆ្នាំមុន ត្រូវបានថតឡើងវិញជាស៊េរីរឿងភាគចំនួន ១០​ភាគ និងត្រូវបានចាក់បញ្ចាំងជាបណ្ដើរៗហើយ នៅលើ Netflix។

រឿងនេះ ជារឿងស្នេហាដ៏កម្សត់របស់តួប្រុសឈ្មោះ K និងតួឯកស្រីឈ្មោះ Cream។ K ត្រូវបានម្តាយបោះបង់ចោល បន្ទាប់ពីការស្លាប់របស់ឪពុក ចំណែក Cream បានបាត់បង់គ្រួសារទាំងមូលនៅក្នុងគ្រោះថ្នាក់ចរាចរណ៍មួយ។ ដោយ​មាន​កាលៈទេសៈ​ស្រដៀង​គ្នា​នេះ អ្នក​ទាំង​ពីរ​ក្លាយ​ជា​មិត្ត​សម្លាញ់​នឹង​គ្នា ហើយ​រស់នៅក្នុង​ផ្ទះតែមួយជាមួយគ្នា តាំងពីជំទង់ រហូតមានការងារធ្វើរៀងខ្លួន។ ប៉ុន្តែចុងបញ្ចប់ តួអង្គទាំងពីរ មិនបានជួបគ្នានោះទេ ដោយតួប្រុសបាន ស្លាប់ដោយសារជំងឺ។

រឿង More Than Blue ជារឿងដែលធ្វើឱ្យហ្វេនទទួលបាននូវគំនិតអប់រំជាច្រើន បន្ទាប់ពីទស្សនា​ ក៏ជារឿងដែលជាប់ចំណាត់ថ្នាក់ខាងកម្សត់បំផុត ធ្វើទស្សនិកដែលមើលហើយ មិនអាចទប់ទឹកភ្នែកបានឡើយ។

យ៉ាងណាមិញ ពេលនេះ រឿង More Than Blue នឹងផលិតឡើងវិញ ប្ដូរទាំងតួ និងអូសបន្លាយសាច់រឿងកាន់តែលម្អិតរហូតដល់ ១០ ភាគឯណោះ។ ចង់ដឹងការថតថ្មី ល្អមើលប៉ុនណា មានតែរង់ចាំទស្សនាទាំងអស់គ្នា៕

ប្រែសម្រួល៖ សន្យា

ចុចអាន៖ ពានរង្វាន់កំពូលតួសម្ដែងឆ្នើមប្រចាំឆ្នាំ ២០២១ បានទៅលើតារាកូរ៉េ ៣ដួងនេះ

ចុចអាន៖ Han So Hee និយាយពីឈុតស្រើបស្រាលក្នុងរឿង “My Name”