Jennifer Aniston ថតឈុតអាក្រាតកាយទាំងស្រុង ក្នុងខ្សែភាពយន្តថ្មី

តារាសម្ដែងអាមេរិកាំង Jennifer Aniston អាក្រាតកាយទាំងស្រុងពេលថតឈុតងូតទឹកក្នុងខ្សែភាពយន្តភាគ The Morning Show របស់​ Apple TV+ នាររដូវកាលទី២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែភាពយន្តភាគទូរទស្សន៍ The Morning Show ត្រូវបានតារាស្រីរូបនេះដើរតួជាពិធីការិនីព័ត៌មានឈ្មោះ Alex Levy និងមានការចូលរួមសម្ដែងពីតារាស្រី Reese Witherspoon និងលោក Steve Carell ផងដែរ។

ក្នុងភាពយន្តនេះដែរ Jennifer Aniston បានថតស្រាតននលគកក្នុងឈុតងូតទឹក ក្រោយពីនិយាយព័ត៌មានរួច។យ៉ាងណាក្ដី ឈុតនេះ មិនមែនជាឈុតតែមួយដែលតារាសម្ដែងវ័យ ៥២ឆ្នាំរូបនេះថតស្រាតនោះទេ នៅមានឈុតស្នេហារោលរាលផ្សេងទៀត ដែលសុទ្ធសឹងតែអាក្រាតកាយស្ទើរទាំងស្រុង។

យ៉ាងណាមិញ វាក៏មិនមែនជាលើកដំបូងនោះដែរសម្រាប់ Jennifer Aniston ដែលហ៊ានថតបញ្ចេញដងខ្លួនគ្មានសល់បែបនេះ ព្រោះកន្លងមកនាងធ្លាប់ថត MV និងខ្សែភាពយន្តជាច្រើនរឿងផ្សេងទៀត ​ដែលសុទ្ធតែបង្ហាញរាងកាយដែលគ្មានសម្លៀកបិទបាំង។  

ដោយឡែក ឈុតស្រាតងូតទឹកក្នុងខ្សែភាពយន្តភាគ The Morning Show តួឯកស្រីរូបនេះ ប្រាប់ថា ខ្លួននាងពិបាកសម្ដែងដូចគ្នា ព្រោះត្រូវបញ្ចូលអារម្មណ៍ខ្លាំង ដោយសារឈុតនោះតួស្រីកំពុងស្មុគស្មាញខ្លាំងបំផុតអំពីការរាតត្បាតនៃជំងឺកូវីដ-១៩។ ដោយសារបញ្ហាជំងឺរាលដាលក្នុងសហគមន៍ ទើបក្រោយចប់ពីការងារភ្លាម នាងក៏បន្ធូរអារម្មណ៍ដោយការទៅងូតទឹក ហើយវាមិនចម្លែកអ្វីឡើយ ព្រោះនរណាៗក៏តែងតែស្រាតងូតទឹក ដូច្នេះសម្រាប់នាងការថតបែបនេះ ទើបវាដូចទៅនឹងធម្មជាតិពិតៗ៕

ប្រែសម្រួល៖ សន្យា

ចុចអាន៖ កូនស្រីស្តេចចម្រៀងប៉ុប Michael Jackson បញ្ចេញរូបថតអាក្រាតកាយក្នុងបន្ទប់ទឹក

ចុចអាន៖ Cardi B លេងមួយស្ទីលនេះ ផ្អើលពេញកម្មវិធី AMA