ជីវិតកម្សាន្ដ
Cardi B លេងមួយស្ទីលនេះ ផ្អើលពេញកម្មវិធី AMA
តារារ៉េបស្រី Cardi B បានធ្វើឱ្យមហាជននៅលើកម្រាលព្រំក្រហមនៃកម្មវិធីប្រគល់ពានរង្វាន់ American Music Awards (AMA) ឆ្នាំ ២០២១ ស្រឡាំងកាំងខ្លាំងសឹងគ្រប់គ្នា ក្រោយលេចវត្តមានរបស់នាងមកជាមួយនឹងម៉ាសជិតមុខឈឹង ដើរចូលរួមកម្មវិធី កាលពីល្ងាចថ្ងៃអាទិត្យនេះ។
កំពូលតារារ៉េបវ័យ ២៩ឆ្នាំ នាង Cardi B បានបង្កការភ្ញាក់ផ្អើលពេញកម្មវិធី ព្រោះតែមិនមានអ្នកមើលនាងស្គាល់ទេ ខណៈនាងបានពាក់ម៉ាសម៉ាក Schiaparelli ពណ៌មាស គ្មានឃើញមុខបន្តិចសោះ និងស្លៀករ៉ូបពណ៌ខ្មៅ ដោយមានគ្របស្បៃជិតក្បាល ទៅចូលរួមកម្មវិធី AMAs ប្រចាំឆ្នាំលើកទី ៤៩ ដែលបានប្រារព្ធឡើងនៅមហោស្រព Microsoft ក្នុងទីក្រុង Los Angeles កាលពីល្ងាចថ្ងៃទី ២១ ខែវិច្ឆិកា ឆ្នាំ២០២១។
អ្វីដែលធ្វើឱ្យមហាជនកាន់តែមិនចង់ដកភ្នែកពីស្ទីលតុបតែងខ្លួនដ៏ចម្លែករបស់ Cardi B គឺសូម្បីក្រវិលក៏នាងលេងម៉ូដម្រាមដៃមនុស្សយ៉ាងធំសម្បើម និងបានពាក់ស្រោមដៃពណ៌ខ្មៅ ទម្លុះដោយចិញ្ចៀនមាសដ៏ប្រណិតថែមទៀត រឹតតែធ្វើឱ្យតារាស្រីអាមេរិកាំងរូបនេះលេចធ្លោខ្លាំងលើព្រំក្រហម។
មិនតែប៉ុណ្ណោះ មួយតួខ្លួនរបស់នាង គ្រឿងលម្អភាគច្រើនសុទ្ធសឹងតែ ផ្លាទីន ដែលការតែងខ្លួនបែបនេះហើយ បានធ្វើឲ្យនាងក្លាយជាតារារ៉េបស្រីទី២ ក្នុងប្រវត្តិសាស្ត្រនៃកម្មវិធី AMAs បន្ទាប់ពីម្ចាស់ក្សត្រី Latifah ដែលបានតែងខ្លួនប្រហែលគ្នានេះ កាលពីឆ្នាំ ១៩៩៥។
ក្រៅពីកាតុបតែងខ្លួនលេចធ្លោជាងគេជាងឯងនាឆ្នាំនេះ Cardi B បានឈ្នះពានរង្វាន់ដល់ទៅ៣ពី AMAs 2021 គឺ ពានរង្វាន់សិល្បករហ៊ីបហបស្ត្រីដែលមានអ្នកចូលចិត្តច្រើនបំផុត (Favorite female hip-hop artist) បទចម្រៀងហ៊ីបហបដែលមានអ្នកចូលចិត្តច្រើនជាងគេ (Favorite hip-hop song for Up) និងវីដេអូតន្ត្រីមានអ្នកចូលចិត្តខ្លាំងជាងគេ (Favorite music video for Up)៕
ប្រែសម្រួល៖ សន្យា
ចុចអាន៖ ហួសចិត្ត! ហ្វេនៗ Selena និង Chris ថា អ្នកទាំងពីរប្ដូរខោអាវគ្នាប្រើ
ចុចអាន៖ ដឹងតម្លៃខ្លួនតួសម្ដែងសំខាន់ៗ ក្នុងខ្សែភាពយន្ត Eternals ម្នាក់ៗសុទ្ធតែខ្ទង់លានដុល្លារ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១១ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ