តួអង្គរឿង Moon Knight ទើបទទួលមរណភាព ធ្លាប់មកកម្ពុជា តែគ្មានអ្នកចាប់អារម្មណ៍

តារាសម្តែងជនជាតិបារាំងឈ្មោះ Gaspard Ulliel ដែលគ្រោងនឹងបង្ហាញមុខក្នុងរឿងភាគ Moon Knight របស់ផលិតកម្ម Marvel នាពេលខាងមុខនេះ បានទទួលមរណភាពក្នុងអាយុ៣៧ឆ្នាំ។

គ្រួសាររបស់គាត់បានប្រាប់ទីភ្នាក់ងារសារព័ត៌មាន AFP ថា គាត់បានទទួលមរណភាពកាលពីថ្ងៃពុធទី១៩ខែមករា បន្ទាប់ពីឧប្បត្តិហេតុជិះស្គីលើភ្នំ Alps។

លោក Ulliel ដែលជាតារាសម្តែងល្បីឈ្មោះម្នាក់របស់ប្រទេសបារាំង កំពុងជិះស្គីនៅតំបន់ Savoie កាលពីថ្ងៃអង្គារ នៅពេលគាត់បុកជាមួយមនុស្សម្នាក់ទៀត។

គាត់បានរងរបួសខួរក្បាលធ្ងន់ធ្ងរ ហើយត្រូវបានបញ្ជូនតាមយន្តហោះទៅកាន់មន្ទីរពេទ្យក្នុងទីក្រុង Grenoble ជាកន្លែងដែលគាត់ទទួលមរណភាពនៅថ្ងៃបន្ទាប់។

អ្នកជិះស្គីម្នាក់ទៀតមិនត្រូវបានបញ្ជូនទៅមន្ទីរពេទ្យទេ ហើយការស៊ើបអង្កេតកំពុងដំណើរការ។

ដោយឡែក បើយោងតាមអាខោន ហ្វេសប៊ុក Sovichea Ch បានបង្ហោះថា Gaspard Ulliel អាយុ៣៧ឆ្នាំ ជាតារាភាពយន្តបារាំង   បានទទួលមរណភាព កាលពីថ្ងៃពុធ ទី១៩ខែមករាឆ្នាំ២០២២  ដោយសារគ្រោះថ្នាក់លេងស្គីលើទឹកកក ។

កាលពីឆ្នាំ២០០៧ លោក Gaspard Ulliel បានមកស្នាក់នៅកម្ពុជារយៈពេល៥ខែដើម្បីថតខ្សែភាពយន្តរឿង  “ទំនប់ទប់មហាសមុទ្រ​ប៉ាស៊ីហ្វិក” ឬ “The Sea Wall” ឬ “Un barrage contre le Pacifique”។

ក្នុងអំឡេងពេលស្នាក់នៅ ថតភាពយន្តនៅកម្ពុជា លោក Gaspard មានចរិត រួសរាយ​រាក់ទាក់ជាមួយក្រុមការងារទាំងអស់ មិនថាជាជនជាតិបារាំង ឬ ជនជាតិខ្មែរឡើយ ។

ក្រុមការងារ និង អ្នកសម្តែង ​ដែលបាន​ចូលរួមផលិតខ្សែភាពយន្តនេះ សូមចូលរួមសម្តែងនូវមរណទុក្ខដ៏ក្រៀមក្រំ  ចំពោះ លោក Gaspard Ulliel និងសូមវិញ្ញាណក្ខន្ធរបស់លោកបានទៅកាន់សុគតិភព!

ប្រែសម្រួល៖ Vann Vann

ប្រភព៖ BBC, Facebook Sovichea Ch

ចុចអាន៖ Thuy Tien ក្លាយជាបវរកញ្ញា MGI ដំបូង រកចំណូលបានច្រើនជាងគេឱ្យក្រុមហ៊ុន