ជីវិតកម្សាន្ដ

តារា ៣ រូប សំណាងខ្ពស់ ទទួលបាននាមជាឧកញ៉ា

បានផុស

៣ years មុន

នៅ

ថ្ងៃសុក្រ ២៥ កុម្ភៈ ២០២២

ដោយ

មហាជនបានដឹងហើយថា កាលពីថ្មីៗកន្លងទៅនេះ មានការភ្ញាក់ផ្អើល និងចាប់អារម្មណ៍គ្រប់គ្នាបន្ទាប់ពីមានដំណឹងថា កំពូលតារាចម្រៀងប្រុសរបស់ខ្មែរម្នាក់ទៀត ត្រូវបានព្រះមហាក្សត្រនៃព្រះរា ជាណាចក្រកម្ពុជា បានចេញព្រះរាជក្រឹត្យប្រោសព្រះរាជទានគោរមងារជាឧកញ៉ា។

ជាការពិតតាមរយៈដំណឹងនេះ គេក៏ឃើញអ្នកគាំទ្រ និងមិត្តរួមអាជីពសិល្បៈមួយចំនួនធំ បានសម្តែងការចូលរួមអបអរផងដែរ ចំពោះមោទនភាពនៃវត្តមានសិល្បករខ្មែរ ដែលមានវាសនាខ្ពស់ទទួលបានគោរមងារជាឧកញ៉ា។ ទន្ទឹមគ្នានោះក៏សូមនាំអារម្មណ៍ប្រិយមិត្តមកស្គាល់តារាសិល្បៈក្មេង-ចាស់ ៣ រូប ដែលមានសំណាងខ្ពស់ទទួលបានគោរមងារជាឧកញ៉ានាពេលបច្ចុប្បន្ន។

១.អតីតតារាកំប្លែងជើងចាស់នាយ ឃ្លោក ដែលមានឈ្មោះពិតលោក ទុំ សារុត បន្ទាប់ពីបានសាងកេរ្តិ៍ឈ្មោះល្បីរន្ទឺនៅក្នុងវិស័យសិល្បៈរយៈពេលច្រើនឆ្នាំនោះ លោកក៏បានដកខ្លួនឃ្លាតឆា្ងយពីអាជីពជា កំប្លែងប្រមាណ៧ឆ្នាំមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានោះលោក ទុំ សារុត ហៅនាយ ឃ្លោក ក៏ ត្រូវបានព្រះមហាក្សត្រត្រាស់បង្គាប់តែងតាំងជាឯកឧត្តមផង និងជាឧកញ៉ាផង កាលពីខែឧសភា ក្នុងឆ្នាំ ២០១៤។ ថ្វីត្បិតលោកមមាញឹកជាមួយជំនួញយ៉ាងណាតែឧកញ៉ា ឃ្លោក ជានិច្ចកាលតែងលេចមុខក្នុងកម្មវិធីសិល្បៈម្តងកាលនិងការចេញមុខផ្តល់ជំនួយជួយដល់អ្នកសិល្បៈមានជំងឺនិងខ្វះខាតផងដែរ។

២.អតីតតារាចម្រៀង និងពិធីករលោក លាន អាហ្វ្រីលគីនីន ក្រោយពីស្ងប់ស្ងាត់លើវិស័យសិល្បៈមួយសន្ទុះធំ គេបានកត់សម្គាល់ឃើញលោកងាកទៅចាប់មុខជំនួញផ្នែកអចលនទ្រព្យយ៉ាងណែនពេញដៃវិញម្តង ខណៈកន្លងទៅក៏មានដំណឹងថាលោកទទួលបានងារជាឧកញ៉ាផងដែរ។

យ៉ាងណាមិញលោក លាន អាហ្វ្រីលគីនីន បានទទួលស្គាល់កាលពីចុងឆ្នាំ ២០១៩ ថា លោកពិតជាឡើងឧកញ៉ាមែន។ អតីតតារាប្រុសរូបនេះ បច្ចុប្បន្នបានងាកទៅធ្វើជំនួញរកស៊ីផ្នែកអចលនទ្រព្យ ហើយលោកជិះរថយន្ដទំនើបៗមិនចាញ់ឧកញ៉ាល្បីឈ្មោះផ្សេងទៀតឡើយ។

៣.កំពូលតារាចម្រៀងលោក ខែម ប៊ុនថៃ ហៅ ខេមរៈ សិរីមន្ត កាលពីថ្មីៗកន្លងមកនេះ ត្រូវបានព្រះករុណាព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាបានចេញព្រះរាជក្រឹត្យប្រោសព្រះ រាជទានគោរមងារជាឧកញ៉ាផងដែរ។

លោក ខេមរៈ សិរីមន្ត បច្ចុប្បន្នគេឃើញថា បន្ទាប់ពីជោគជ័យលើការងារសិល្បៈ គឺលោកបានសាងកេរ្តិ៍ឈ្មោះល្បីល្បាញខ្លាំង។ មិនតែប៉ុណ្ណោះនាអំឡុងរយៈពេលប៉ុន្មានឆ្នាំចុងក្រោយនេះ លោកក៏បានងាកមកចាប់ជំនួញថ្មីមួយទៀត គឺលើវិស័យអចលនទ្រព្យ ដោយបានធ្វើការអភិវឌ្ឍជាផ្ទះ និងដីឡូតិ៍នៅតំបន់មួយចំនួនជាពិសេស ក្នុងខេត្តបន្ទាយមានជ័យ៕