Lady Gaga រងពាក្យរិះគន់មិនសំចៃ ក្រោយស្លៀកចំហដើមទ្រូងពេញទំហឹង

Lady Gaga ​ជា​តារាស្រីម្នាក់​ដែល​​ជឿជាក់​លើរូប​រាង​កាយ​របស់ខ្លួនរហូតមក ដោយតែងតែបញ្ចេញភាពសិចស៊ី មិនខ្លាចពាក្យរិះគន់។ ដោយឡែក កាលពីថ្ងៃអាទិត្យ ទី១៣ ខែមីនា ឆ្នាំ២០២២ កន្លងទៅថ្មីៗនេះ តារាចម្រៀង Lady Gaga បានចូលរួមក្នុងកម្មវិធី Critics Choice Awards ដោយស្លៀកឈុតពណ៌មាស ឡាយពណ៌ខ្មៅ ​ចំហដើមទ្រូងយ៉ាងសិចស៊ី។

យ៉ាងណាមិញ ម៉ូដសម្លៀកបំពាក់របស់តារាស្រីរូបនេះ រងពាក្យរិះគន់ជាច្រើនពីអ្នកគាំទ្រ និងមហាជនទូទៅ ដោយខ្លះថា មុខមាត់របស់នាងស្រស់ស្អាតហើយ ប៉ុន្តែរ៉ូបមិនសមដើមទ្រូងទាល់តែសោះ។ ចំណែកអ្នកខ្លះបានប្រៀបធៀបរ៉ូបនេះ ទៅនឹងរ៉ូបមួយដែលនាងធ្លាប់ស្លៀកចូលរួមកម្មវិធី BAFTA កាលពីពេលកន្លងទៅ ព្រោះវាមានម៉ូដចំហទ្រូងដូចគ្នា។ មិនតែប៉ុណ្ណោះ សូម្បីម៉ូដសក់ ក៏ត្រូវបានអ្នកគាំទ្រ ប្រដូចថាសឹងតែមិនខុសគ្នាដែរ។

មិនថារងការរិះគន់បែបណា Lady Gaga នៅតែបង្ហាញជំហររបស់ខ្លួន ក្នុងការស្លៀកពាក់អ្វីដែលនាងស្រឡាញ់ចូលចិត្ត ហើយនេះមិនមែនជាលើកដំបូងនោះដែរ​ ដែលតារាអាមេរិកាំងរូបនេះ រងពាក្យរិះគន់ឥតសំចៃមាត់៕

ប្រែសម្រួល៖ សន្យា

ចុចអាន៖ បវរកញ្ញាចក្រវាល ថៃ ប្រែរូបរាងខ្លាំង ក្នុងឈុតប៊ីគីនី មើលសឹងមិនស្គាល់

ចុចអាន៖ ឃើញ Mark និង​ Kimbery ដឹកដៃគ្នាទៅធ្វើរឿងនេះ ហ្វេនៗពោលច្រណែនភ្លាម