ស្ត្រីម្នាក់កំពុងប្ដឹង Lady Gaga ពីបទមិនផ្ដល់ប្រាក់រង្វាន់ ៥០ ម៉ឺនដុល្លារតាមពាក្យសន្យា ការពិតជាអ្នកផ្សំគំនិតជាមួយចោរប្លន់ឆ្កែពូជ French Bull របស់ Gaga សោះ ។

Jennifer McBride អះអាងថាតារាចម្រៀងប៉ុប Gaga សន្យាឲ្យប្រាក់ ៥០ ម៉ឺនដុល្លារដល់ខ្លួនដោយមិនសួរអ្វីទាំងអស់បើឆ្កែនៅមានសុវត្ថិភាពនិងគ្មានរបួស ។

ត្រលប់ទៅកាន់ខែកុម្ភៈ ឆ្នាំ ២០២១ វិញ Ryan Fischer អ្នកបណ្ដើរឆ្កែឲ្យ Lady Gaga ត្រូវចោរបាញ់ប្លន់ឆ្កែពីរក្បាលគឺ Koji និង Gustav ។ McBride និយាយថានាងបានប្រគល់ឆ្កែឲ្យ Gaga នៅស្ថានីយសហគមន៍អូឡាំពិក LAPDក្នុងថ្ងៃទី២៦ ខែកុម្ភៈ ឆ្នាំ២០២១ ពីរថ្ងៃបន្ទាប់ពីការប្លន់ ។

ក្រោយមក McBride ត្រូវជាប់ទោសពីបទផ្សំគំនិតជាមួយចោរព្រោះទទួលរបស់ដែលបានលួច និងបណ្ដាលឲ្យមានឧក្រិដ្ឋកម្មកើតឡើង ប៉ុន្តែនាងអាចរស់នៅក្រៅគុករយៈពេល ២ ឆ្នាំស្ថិតក្រោមការត្រួតពិនិត្យហើយនឹងដោះលែងបើចេះកែកំហុស ។

យ៉ាងណាមិញ McBride នៅតែមិនសុខចិត្តនោះទេ នាងកំពុងទាមទារប្រាក់ច្រើនជាងមុនដល់ទៅ ១ លានដុល្លារថែមទៀតពី Gaga ដោយសារគាត់កុហក ។

សូមបញ្ជាក់ដែរថា ខណៈលោក Fischer កំពុងបណ្ដើរឆ្កែបីក្បាលឲ្យ Gaga នៅទីក្រុងឡូសអេនជែលឡែស លោកត្រូវចោរជាច្រើននាក់ប្លន់ឆ្កែនិងបាញ់ចំទ្រូងបណ្ដាលឲ្យចូលពេទ្យទៀតផង ។

ចំណែកលោក James Howard Jackson ដែលប៉ូលិសសន្មតថាជាចោរប្លន់វិញក៏ត្រូវជាប់គុករយៈពេល ២១ ឆ្នាំបានសម្រេចពីបទប៉ុនប៉ងធ្វើមនុស្សឃាត ៕

ប្រែសម្រួល ៖ វារី

ប្រភព ៖ Pagesix

ចុចអាន ៖ រូបចម្លាក់សុនខរបស់ម្ចាស់ក្សត្រី Elizabeth II លក់ខាតខ្លាំង ក្នុងការដាក់ដេញថ្លៃ