ជីវិតកម្សាន្ដ

វ៉ាន់ នីឡា បកស្រាយរឿងគេរិះគន់ថា ស្វាមីស្រលាញ់ខោអាវជាងប្រពន្ធ

បានផុស

៤ years មុន

នៅ

ថ្ងៃពុធ ៣០ មីនា ២០២២

ដោយ

កន្លងមកមហាជនបានដឹងហើយថា បន្ទាប់ពីបញ្ចប់ពិធីមង្គលការមិនបានប៉ុន្មានថ្ងៃផងស្រាប់ តែមានការរិះគន់ទៅលើស្វាមីរបស់តារាកំប្លែង វ៉ាន់ នីឡា ជុំវិញរឿងពាក់ស្បែងជើងតម្លៃជាង ១ ពាន់ដុល្លារ ខណៈមានការលើកឡើងថា ជាចេតនាសម្ញែង ឬបង្អួតភ្ញៀវដែលចូលរួម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយមានការរិះគន់ខាងលើនេះឡើងភ្លាមៗនោះ គេឃើញសាមីខ្លួនដែលជាស្វាមីអ្នកនាង វ៉ាន់ នីឡា បានចេញមុខបកស្រាយនិងពន្យល់ការពិតដល់មហាជនទើបធ្វើឲ្យការរិះគន់នោះរសាយបាត់ទៅវិញ។ យ៉ាងណាមិញ ស្របពេលដែលរឿងរ៉ាវខាងលើនេះទើបតែស្ងប់ស្ងាត់មិនទាន់បានប៉ុន្មានផង ស្រាប់តែថ្មីៗនេះ មានការចាប់អារម្មណ៍ម្ដងទៀត ក្រោយឃើញវីដេអូខ្លីមួយចែកចាយពេញបណ្ដាញសង្គម TikTok ដោយឃើញស្វាមី វ៉ាន់ នីឡា មានការហួងហែងទៅលើសំលៀកបំពាក់ហួសហេតុនោះ។

នៅក្នុងវីដេអូនោះគេឃើញ វ៉ាន់ នីឡា គឺស្ថិតក្នុងការ Makeup ដោយមុខមានម្សៅចង់ផ្អែកលើស្មាស្វា មី តែបែរជាស្វាមីនាងបានច្រានភរិយាចេញ ព្រោះខ្លាចប្រឡាក់អាវខ្លួន។ មិនត្រឹមតែប៉ុណ្ណោះថែមទាំងនិយាយថា អាវមួយហើយប្រឡាក់បោកមិនចេញទាល់តែសោះ។

ត្រង់ចំណុចនេះ បានធ្វើឲ្យបងប្អូនមួយចំនួនតូចគិតថា រូបលោកហួងហែងរឿងសំលៀកបំពាក់ខ្លាំងពេករហូតដល់ថ្នាក់មិនចង់ឲ្យភរិយាមកជិតខ្លួន តែក្នុងនោះគេក៏ឃើញមានអ្នកគាំទ្រមួយចំនួនទៀតគិតថា នេះជារឿងធម្មតាទៅហើយ ព្រោះស្វាមីនាងជាមនុស្សនិយមរបស់ប្រើប្រាស់ថ្លៃៗដូច្នេះហើយហួងហែងរឿងនេះ ក៏គ្មានទាស់ខុសអ្វីដែរ។

ទោះយ៉ាងណាក្រោយពីមានពាក្យរិះគន់បែបនេះ ស្រាប់តែ វ៉ាន់ នីឡា ចេញមុខមកបកស្រាយយ៉ាងត្រជាក់ថា អស់ពីរឿងស្បែកជើងនិងឈុតក្នុងថ្ងៃមង្គលរបស់ស្វាមីមកបែកធ្លាយវីដេអូល្បីថា ស្វាមីមិនស្រឡាញ់ប្រពន្ធបារម្ភខ្លាចតែខូចរបស់ប្រើប្រាស់ខ្លាំងជាងទៅវិញ។

វ៉ាន់ នីឡា បានបញ្ជាក់បន្ថែមថា ជារឿងធម្មតាទេព្រោះនរណាៗក៏គេស្រឡាញ់របស់ប្រើប្រាស់ផ្ទាល់ ខ្លួនដែរ មិនតែប៉ុណ្ណោះរូបនាងបានបោះសម្តីថា ប្រសិនបើអ្នកចែករំលែកវីដេអូនោះជាមនុស្សចេះដឹងមែនមិនមែនមកកាត់វីដេអូចំណាយពេលមកចេះដឹងរឿងគ្រួសារគេដែរ លើសពីនេះទៅទៀតរូបនាង បានផ្តាំទៅអ្នកបង្ហោះវីដេអូរបស់ខ្លួនត្រូវលុបចេញ ក្នុងរយៈពេល៣ ថ្ងៃទៀតព្រោះថា រូបនាងមិនចូលចិត្តនិយាយអ្វីច្រើនឡើយ៕

អត្ថបទ៖ ចាន់រ៉ា