ជីវិតកម្សាន្ដ
តន់ ច័ន្ទសីមា ឧបត្ថម្ភអង្ករ ២ តោន និងចាប៉ីដងវែង ៥ ដើម ដល់ក្រសួងវប្បធម៌
តារាចម្រៀងប្រចាំផលិតកម្ម Galaxy Navatra កញ្ញា តន់ ច័ន្ទសីមា ឧបត្ថម្ភអង្ករ ២ តោន និងចាប៉ីដងវែង ៥ ដើម និងសម្ភារៈបុរាណជាច្រើនទៀត ដល់ក្រសួងវប្បធម៌ និងវិចិត្រសិល្បៈ កាលពីថ្ងៃទី ៣១ ខែមីនា ឆ្នាំ ២០២២។
ក្នុងឱកាសទទួលអំណោយដ៏ថ្លៃថ្លានេះ ឯកឧត្តមបណ្ឌិត ហ៊ឺ វីរៈ ជំនួសមុខឲ្យលោកជំទាវបណ្ឌិតសភាចារ្យ ភឿង សកុណា រដ្ឋមន្ដ្រីក្រសួងវប្បធម៌ និងវិចិត្រសិល្បៈ បានថ្លែងអំណារគុណយ៉ាងជ្រាលជ្រៅដល់ផលិតកម្ម Galaxy Navatra និង កញ្ញា តន់ ច័ន្ទសីមា ចំពោះទឹកចិត្តដ៏សប្បុរស ក្នុងការជួយឧបត្ថម្ភ និងលើកស្ទួយសិល្បៈបុរាណខ្មែរ និងវិស័យតែងនិពន្ធ។ លើសពីនេះ ការឧបត្ថម្ភលើកនេះ ប្រៀបបានដូចជាជួយលើកតម្កើងវិស័យសិល្បៈបុរាណ ចាប៉ីដងវែង ល្ខោនខោល ឲ្យប្រជាជនខ្មែរគ្រប់រូបបានស្គាល់ ជាពិសេសពិភពលោកក៏តែស្គាល់ច្បាស់ធនធានវប្បធម៌របស់កម្ពុជា។ អំណោយសប្បុរសធម៌ ដែលបានចែកជូននាពេលនោះរួមមាន៖ អង្ករ ២ តោន ធុងចម្រោះទឹកខ្នាតធំចំនួន ចំនួន ០១គ្រឿង ចាប៉ីវែងចំនួន ៥ ដើម សម្ភារៈឧបករណ៍តន្ត្រីបុរាណមួយចំនួនធំ សំលៀកបំពាក់ និងគ្រឿងលំអសម្រាប់ល្ខោនខោល មួយចំនួនធំ ព្រមទាំងឧបត្ថម្ភការបោះពុម្ពសៀវភៅរឿងរាមកេរ និងសៀវភៅអត្ថបទនិពន្ធភាពយន្តខ្នាតខ្លី មួយចំនួន ផងដែរ។
ចំណែកសាលា និងអង្គការសមាគម ដែលទទួលបានអំណោយសប្បុរសធម៌ទាំងនោះរួមមាន៖ សាលាមធ្យមវិចិត្រសិល្បៈ សមាគមចាប៉ីអមតៈ សមាគមអ្នកនិពន្ធខ្មែរ ក្រុមល្ខោនខោលវត្តស្វាយអណ្អែត ក្រុមយុវជនល្ខោនខោលកម្ពុជា និងនាយកដ្ឋានសិល្បភាពយន្ត។
ក្នុងឱកាសនោះ ឯកឧត្តមបណ្ឌិត បានថ្លែងអំណរគុណដល់ថ្នាក់ដឹកនាំនៃផលិតកម្ម Galaxy Navatra ជាពិសេសកញ្ញា តន់ ចន្ទសីម៉ា ដែលបានផ្តល់អំណោយសប្បុរសធម៌ ជូនដល់សាលា អង្គការ សមាគម ក្នុងវិស័យវប្បធម៌ និងវិចិត្រសិល្ប: ដើម្បីបម្រើដល់ការងារអភិរក្ស ថែរក្សា ការពារ និងជំរុញវិស័យសិល្បៈបុរាណមានដូចជា ល្ខោនខោល ចាប៉ីដងវែង។ល។ និង។ ល៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ