ជីវិតកម្សាន្ដ

ខ្លាចគេយល់ច្រឡំ សឿ សុធារ៉ា ចេញមុខសុំទោស ដួង វីរៈសិទ្ធ

បានផុស

៣ years មុន

នៅ

ថ្ងៃអាទិត្យ ៨ ឧសភា ២០២២

ដោយ

តារាសម្តែងស្រីដែលកន្លងមករងនូវរឿងអាស្រូវជំពាក់បំណុលគេផ្អើលមហាជន អ្នកនាង សឿ សុធារ៉ា ភ្លាមៗបន្ទាប់ពីបង្ហោះសារមួយទៅកាន់តារាសិល្បៈប្អូនលោក ដួង វីរ:សិទ្ធ នោះ ស្រាប់តែបានចេញមុខសុំទោសវិញ ព្រោះខ្លាចគេយល់ច្រឡំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមុខសុំទោសពីសំណាក់តារាស្រីអ្នកនាង សឿ សុធារ៉ា នេះបានធ្វើឡើងក្រោយនាងបញ្ចេញសំណេរដូច្នេះថា៖ “បទចម្រៀងដែលអូនសរសេរឱ្យបងថ្មីទៀតនោះរួចហើយមែនទេ កុំយូរពេកបងទន្ទឹងណាស់ បងកំពុងគេងស្តាប់បទចម្រៀងអូននិពន្ធឱ្យបង you know my ក្រាស់។ បងរង់ចាំអូន ១០-២០ ឆ្នាំទៀតក៏បាន becoz bong know what love is”។

តាមរយៈខ្លឹមសារខាងលើនេះ បានធ្វើឱ្យមហាជន និងអ្នកគាំទ្រភ្ញាក់ផ្អើល និងយល់ឃើញដោយមន្ទិលថា អ្នកនាង សឿ សុធារ៉ា អាចជំពប់ស្នេហ៍ជាមួយតារាចម្រៀងវ័យក្មេងលោក ដួង វីរៈសិទ្ធ បន្ទាប់ពីនាងទើបតែប្រកាសបែកបាក់ស្នេហ៍ជាមួយអតីតស្វាមីលោក សាពូន មីដាដា។ មានការកត់សម្គាល់បន្ទាប់ពីការបង្ហោះសារនេះ មិនបានប៉ុន្មានក៏ស្រាប់តែនាង សឿ សុធារ៉ា លុបសារនោះចេញវិញ និងថែមទាំងសុំទោសលោក ដួង វីរ:សិទ្ធ ផងដែរ។

អ្នកនាង សឿ សុធារ៉ា បានបង្ហោះសារថ្មីថា៖ “នាងខ្ញុំ សូមផ្ញើសំណេរនេះជូនទៅប្អូនប្រុស “ដួង វីរៈសិទ្ធ”។ ឱ្យបងសុំទោសផងប្អូន បងគ្រាន់តែនិយាយលេងក្នុងនាមបងឱ្យតំលៃលើសមត្ថភាពរបស់ប្អូនតែប៉ុណ្ណោះ គ្មានអ្វីផ្សេងឡើយក្រៅពីការចូលចិត្ត”។ អ្នកនាងបន្ថែមថា៖ “សូមបងប្អូនទាំងអស់គ្នាមេត្តាកុំយល់ច្រលំចំពោះគាត់ “បងសុំទោសប្អូនប្រុស”៕

អត្ថបទ៖ ចាន់រ៉ា