ជីវិតកម្សាន្ដ
ឧកញ៉ា ខេមរៈ សេរីមន្ត និងតារាចម្រៀង ខាន់ ជេមស៍ ប្រកាសជួយដល់បេក្ខជន ទុំ រដ្ឋា
មហាជនភាគច្រើនប្រាកដជាបានស្គាល់ បេក្ខជន ទុំ រដ្ឋា តាមរយៈកម្មវិធីប្រឡងចម្រៀងលំដាប់ពិភពលោក Cambodian Idol ក្នុងរដូវកាលទី៤ វគ្គ Judge Audition កាលពីយប់ថ្ងៃទី ២៩ ខែឧសភា កន្លងទៅនេះ ។
ទុំ រដ្ឋា ជាបេក្ខជនមួយរូបដែលទទួលបានការគាំទ្រពីមហាជនយ៉ាងច្រើនតាមរយៈការបញ្ចេញសមត្ថភាពសំឡេងរបស់លោក ។ ទន្ទឹមនឹងការគាំទ្រពីមហាជននោះ បេក្ខជន ទុំ រដ្ឋា បែរជាមិនបានទទួលការសម្រេចឲ្យឈានទៅវគ្គបន្តពីគណៈកម្មការទៅវិញដែលជាហេតុធ្វើឲ្យមានការរិះគន់យ៉ាងខ្លាំងពីសំណាក់អ្នកគាំទ្របក្ខជនរូបនោះ ។
ទាក់ទិននឹងការរិះគន់នេះដែរ ស្រាប់តែកំពូលតារាចម្រៀង ដែលមហាជនតែងតែស្គាល់ និងមានឈ្មោះបោះសំឡេងក្នុងវិស័យសិល្បៈជាច្រើនឆ្នាំគឺលោក ខេមរៈ សេរីមន្ត បានប្រកាសផ្តល់ទឹកប្រាក់ចំនួន ១ ពាន់ដុល្លាដល់បេក្ខជនរូបនេះ ។
ឧកញ៉ា ខេមរៈ សេរីមន្ត បានបង្ហោះនៅលើផេកផ្លូវការរបស់លោកប៉ុន្មានម៉ោងមុននេះថា “កុំបាក់ទឹកចិត្តអីប្អូនស៊ូៗបងសូមលើកទឹកចិត្តប្អូននៅថវិកា ១,០០០ ដុល្លារ មានសមត្ថភាពពិតតស៊ូគង់បានសម្រេច មានបងប្អូនណាស្គាល់លេខគាត់អត់ជួយប្រាប់ផង” ។
ជាមួយគ្នានេះផងដែរតារាចម្រៀងលោក ខាន់ ជេមស៍ ក៏បានប្រកាសលើផេករបស់លោក និងបាននិយាយលើកទឹកចិត្តដល់បេក្ខជន ទុំ រដ្ឋា ផងដែរថា “មិនអីទេប្អូនប្រុសកុំបាក់ទឹកចិត្ត ទោះបីជាប្អូនធ្លាក់តែប្អូនបានឈ្នះចិត្តមហាជនទូទាំងប្រទេស បងសូមលើកទិកចិត្តប្អូន បងនឹងផលិតបទចម្រៀង Original song ជូនប្អូនមួយបទ និងចេញ MV ជូនប្អូន សូមទំនាក់ទំនងមកបងនេះជា លេខ Telegram 010222168 បង” ។
គួរបញ្ជាក់ថា បេក្ខជនមកពីខេត្តស្ទឹងត្រែង វ័យ ២៦ ឆ្នាំរូបនេះបានជ្រើសរើសយកបទ “ស្រលាញ់ស្ទើរលេប” មកបកស្រាយក្នុងវគ្គ Judge Audition ប៉ុន្តែជាលទ្ធផលមិនបានឈានទៅវគ្គបន្ទាប់នោះទេ ដោយសារតែទទួលបាន Yes ពីគណៈកម្មការតែ ២ រូបប៉ុណ្ណោះគឺលោក ណុប បាយ៉ារិទ្ធ និងកញ្ញា លាង សុផាឡែន ខណៈទទួលបាន No ពីលោក ឆន សុវណ្ណរាជ និង ឱក សុគន្ធកញ្ញា ៕
ដោយ ៖ ឌឿន ចាន់ថារី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង