ជីវិតកម្សាន្ដ

ណុប បាយ៉ារិទ្ធ ផ្តល់គន្លឹះដល់ លីម តិចម៉េង ថាការដឹងគុណ គឺជាគុណធម៌សេចក្តីល្អ និងជាពន្លឺបំភ្លឺ

បានផុស

៤ years មុន

នៅ

ថ្ងៃអង្គារ ៦ កញ្ញា ២០២២

ដោយ

បន្ទាប់ឆ្លងកាត់ការប្រកួតយ៉ាងស្វិតស្វាញរយៈពេលកន្លះឆ្នាំ ទីបំផុតកាលពីយប់ថ្ងៃទី ២៨ ខែសីហា ឆ្នាំ ២០២២ កន្លងទៅនោះកម្មវិធីប្រឡងចម្រៀងលំដាប់ពិភពលោក Cambodian Idol រដូវកាលទី ៤ បានរកឃើញម្ចាស់ជយលាភីដែលឈ្នះពាន់រង្វាន់ គឺកំលោះតូច លីម តិចម៉េង មកពីដែនដីខេត្តកំពង់ចាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានៃដំណឹងដ៏រំភើបនិងរីករាយនេះដែរ ភ្លាមៗនោះគេឃើញមានទស្សនិកជន និងអ្នកគាំទ្រកំលោះតូច តិច ម៉េងយ៉ាងច្រើនលើសលប់បានសម្តែងការចូលរួមអបអរសាទរដល់ម្ចាស់ពានរូបនេះ។ នៅក្នុងនោះដែរម្ចាស់ជយលាភី លីម តិចម៉េង ក៏ទទួលបានការសរសើរមិនដាច់ពីមាត់ជុំវិញទេពកោសល្យនិងសមត្ថភាពសិល្បៈដែលអំណោយផលពីធម្មជាតិ។

ទន្ទឹមគ្នានេះដែរតារាចម្រៀងលោក ណុប បាយ៉ារិទ្ធ ពេលឃើញទង្វើដ៏ល្អរបស់ម្ចាស់ពាន លីម តិចម៉េង លោកក៏បានចូលទៅខមមិនដោយការសរសើរ និងផ្តល់ជាដំបូន្មានខ្លះៗដល់ម្ចាស់ជយលាភីរូបនេះចំពោះទឹកចិត្តដ៏ល្អរបស់ ទិចម៉េង ដែលបង្ហាញចំពោះអ្នកមានគុណរបស់ខ្លួន ៣ រូបលើវិថីសិល្បៈ។

តារាចម្រៀងរូបសង្ហាលោក ណុប បាយ៉ារិទ្ធបានលើកឡើងជាយោបល់ថា «ល្អណាស់ប្អូនការដឹងគុណ គឺជាគុណធម៌ដែលមិនអាចកាត់ថ្លៃគ្មានថ្ងៃស្រយុតមនុស្ស ដែលយកអាសាយើងពេលពិបាក គឺជាមនុស្សដែលមានគុណបំណាច់លើយើងសេចក្តីល្អ និងជាពន្លឺបំភ្លឺប្អូនជារៀងរហូត»។

ឆ្លើយតបការលើកឡើងនេះ លីម តិចម៉េង បានតបកាន់លោក ណុប បាយ៉ារិទ្ធ វិញថា«អរគុណបងដូចគ្នាណា៎បងប្រុស បងក៏ជាគ្រូម្នាក់របស់ប្អូនដែរ គឺជារៀងរហូត»។ ដោយឃើញបែបនេះ លោក តិចម៉េង បាននិយាយទៀតថា អរគុណប្អូនទុកត្រឹមជាបងប្រុសបងសប្បាយចិត្តណាស់ហើយ កុំគិតដល់គ្រូអី ព្រោះបងពិតជាអត់បានជួយបង្ហាត់បង្រៀនអ្វីដល់ប្អូនក្រៅអំពីការចែករំលែកបទពិសោធន៍កែលំអ ជំរុញទឹកចិត្តតាមរយៈការផ្តល់យោបល់ទេ។

លោកបន្ថែមថា ដូច្នេះជាបងប្រុសម្នាក់ឃើញប្អូនបានល្អបានពូកែបានជោគជ័យបងរំភើបចិត្ត និង មានមោទកភាពចំពោះប្អូនណាស់។ ពិសេសឃើញប្អូនមានអត្តចរិតល្អមានសម្ដីសំដៅប្រកបដោយការគិត ពិចារណារាល់ការនិយាយដឹងអ្វីគួរមិនគួរសមមិនសមពិសេសរស់ឱ្យមានគុណធម៌ គឺបងសប្បាយចិត្តពន់ពេកណាស់ហើយក៏ជឿថា អ្នកគាំទ្ររបស់ប្អូនក៏ដូចជាមហាជនទូទាំងប្រទេសគាត់ និងញញឹមសប្បាយចិត្តដោយសមបំណងដែលគាត់ចង់បាន៕

អត្ថបទ៖ ចាន់រ៉ា