ជីវិតកម្សាន្ដ

អ្នកគាំទ្រសង្ស័យទំនាក់ទំនងជិតស្និទ្ធរវាងកូនប្រុសកំពូលតារាចម្រៀង ព្រាប សុវត្ថិ និង ស៊ូហ្សាណា

បានផុស

៤ years មុន

នៅ

ថ្ងៃពុធ ៨ មិថុនា ២០២២

ដោយ

ភ្នំពេញ ៖ ថ្មីៗនេះមានការចែករំលែកនូវរូបភាពនិងវីដេអូបង្ហាញពីភាពស្និទ្ធស្នាលខុសធម្មតារវាងតារា ចម្រៀងប្រុសស្រីវ័យក្មេងមួយគូដែលគេស្គាល់ថា ភាគីខាងប្រុសជាកូនបង្កើតកំពូលតារាចម្រៀងព្រាប សុវត្ថិគឺ សុវត្ថិ មុនីនាគ និងតារាស្រី រ៉េត ស៊ូហ្សាណា បង្កការចាប់អារម្មណ៍ខ្លាំងទៅលើអ្នកទាំងពីរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈសកម្មភាពនិងភាពស្និទ្ធស្នាលនេះដែរ បានធ្វើឲ្យអ្នកគាំទ្រមួយចំនួនធំយល់ថាលោក សុវត្ថិ មុនីនាគ និងតារាស្រី រ៉េត ស៊ូហ្សាណា អាចមានទំនាក់ទំនងអ្វីពិសេសលើសពីមិត្តភាពធម្មតាព្រោះគេសង្កេតឃើញថា ក្នុងអំឡុងពេលរួមការងារជាមួយគ្នានិងដើរកម្សាន្ត គឺអ្នកទាំងពីរហាក់ស្និទ្ធស្នាលហើយបារម្ភពីគ្នាខ្លាំងផងដែរ។

ស្របពេលជាមួយគ្នានេះ ក៏មានការចែករំលែកវីដេអូថ្មីទៀត ជុំវិញភាពស្និទ្ធស្នាលរបស់លោក សុវត្ថិ មុនីនាគ និងកញ្ញា រ៉េត ស៊ូហ្សាណា គ្រាដែលអ្នកទាំងពីរបានបណ្ដើរគ្នាយ៉ាងត្រសងទៅលេងកម្សាន្តនៅសួនសត្វភ្នំតាម៉ៅនិងថតរូបភាពជាមួយយ៉ាងផ្អែមល្ហែមមិនខ្វល់ពីអ្នកគាំទ្រឡើយ។ រូបភាពនេះបានធ្វើ ឲ្យទស្សនិកជនកាន់តែរំភើបជំនួសអំពីទំនាក់ទំនងរបស់តារាប្រុស-ស្រីវ័យក្មេងមួយគូនេះ។

ពាក់ព័ន្ធនឹងរឿងរ៉ាវសង្ស័យខាងលើ រហូតមកដល់ពេលនេះមិនទាន់មានប្រភពណាមួយបញ្ជាក់ច្បាស់ពីទំនាក់ទំនងរបស់តារាវ័យក្មេងលោក សុវត្ថិ មុនីនាគ និងកញ្ញា រ៉េត ស៊ូហ្សាណា នៅឡើយទេ។ ខណៈកម្ពុជាថ្មីក៏មិនទាន់អាចទាក់ទងដើម្បីសូមការបកស្រាយបាននៅឡើយដែរ៕

ដោយ ៖ ចាន់រ៉ា