ជីវិតកម្សាន្ដ
Angelina Jolie ត្រូវអតីតស្វាមីហែកកេរ្តិ៍កប់ៗមាត់
តារាសម្តែង Brad Pitt បានរិះគន់ជាសាធារណៈ ចំពោះអតីតភរិយា Angelina Jolie ក្រោយពេលតារាស្រីរូបនេះបានលក់ភាគហ៊ុន នៅក្នុងហាងស្រាដែលអ្នកទាំងពីរធ្លាប់សាងរួមគ្នា។
កាលពីទើបសាងគ្រួសារដំបូង Angelina Jolie និង Brad Pitt ត្រូវប្រព័ន្ធផ្សព្វផ្សាយនានាស្ងើចសរសើរចំពោះពិធីមង្គលការដ៏ទាក់ទាញបំផុតនៅលើលោក ហើយក្នុងនោះមហាជនរាប់លាននាក់សុទ្ធតែចាត់ទុកគ្រួសារនេះ ជាគ្រួសារគំរូនៅក្នុងវិស័យហូលីវូដផងដែរ។
គួរឱ្យស្តាយ អាពាហ៍ពិពាហ៍ពួកគេបានដើរដល់ផ្លូវបំបែក កាលពីឆ្នាំ២០១៦ បន្ទាប់ពីបាននៅរួមរស់ជាមួយគ្នាអស់រយៈពេល ១២ឆ្នាំ។ ក្រោយពេលលែងលះ Angelina Jolie និង Brad Pitt ហាក់បង្កបញ្ហាចម្រូងចម្រាសជាមួយគ្នាមិនឈប់មិនឈរ អស់រយៈពេល ៦ឆ្នាំ គិតមកទល់ឆ្នាំ២០២២នេះ។
ថ្មីៗនេះដែរ ទស្សនាវដ្ដី People របស់អាមេរិក បានឱ្យដឹងថា តារាសម្តែង Brad Pitt បានរិះគន់ និងចោទប្រកាន់ Angelina Jolie ជាសាធារណៈ បន្ទាប់ពីនាងបានលក់ភាគហ៊ុនទាំងអស់នៅក្នុងហាងស្រាទំពាំងបាយជូរ នៅឯប្រទេសបារាំង ដែលវាជាក្រុមហ៊ុនដែលអ្នកទាំងពីរខិតខំសាងសង់ពេលនៅជាមួយគ្នា។ លោកថែមទាំងធ្លោយមាត់ថា Angelina រៀបការជាមួយលោក គឺដោយសារតែប្រាក់ទៀតផង។
ចំពោះ Brad Pitt នេះជាទង្វើដែលធ្វើឲ្យលោកខូចកេរ្តិ៍ឈ្មោះខ្លាំងណាស់ ខណៈ Angelina ស្ម័គ្រចិត្តលក់ភាគហ៊ុនដោយគ្មានការអនុញ្ញាត និងទទួលបានការយល់ព្រមពីអតីតស្វាមី ហើយវាបានធ្វើឱ្យអាជីវកម្ម និងផលិតកម្មស្រារបស់តារាហូលីវូដរូបនេះ រងផលប៉ះពាល់យ៉ាងខ្លាំង។
អតីតស្វាមីរូបនេះបន្តថា រោងចក្រស្រាទំពាំងបាយជូរនេះគឺជាសមិទ្ធិផលដែលលោកខិតខំសាងតែម្នាក់ឯងប៉ុណ្ណោះ ហើយ Angelina Jolie មិនបានរួមចំណែកអ្វីដល់ជោគជ័យនៃរោងចក្រនេះទេ។
ភាគីរបស់ Brad Pitt និយាយថា Angelina មានចេតនាបំពានលក្ខខណ្ឌជាច្រើននៅក្នុងកិច្ចសន្យាដែលបានចុះហត្ថលេខាជាមួយ Brad ដោយសារនាងបានលក់ភាគហ៊ុនទាំងអស់របស់នាងទៅឱ្យក្រុមហ៊ុនបុត្រសម្ព័ន្ធ ក្នុងវិស័យផលិតស្រារបស់មហាសេដ្ឋី Yuri Shefler ។
គួរកត់សម្គាល់ផងដែរ ក្នុងការចុះហត្ថលេខារវាង Brad Pitt និង Angelina Jolie អ្នកទាំងពីរនាក់បានសន្យាថា ប្រសិនបើពួកគេចង់លក់ភាគហ៊ុននៅក្នុងរោងចក្រ ពួកគេត្រូវសុំការអនុញ្ញាត និងមានការយល់ព្រមពីភាគីម្ខាងទៀត។ ទោះយ៉ាងណា ក្រោយពេលមានការចោទប្រកាន់របស់ Brad ភាគីរបស់ Angelina នៅមិនទាន់ឆ្លើយតបនឹងអ្នកសារព័ត៌មាននៅឡើយទេ។
កាលពីខែកក្កដា ឆ្នាំ២០២១ កន្លងទៅ Angelina Jolie បានសុំឱ្យតុលាការអនុញ្ញាតឲ្យនាងមានសិទ្ធិលក់ភាគហ៊ុន ទោះបីភាគីទាំងពីរមិនទាន់បែងចែកទ្រព្យសម្បត្តិក៏ដោយ។ យ៉ាងណាមិញ ទង្វើរបស់ Angelina ធ្វើឱ្យ Brad អាចខាតបង់ប្រាក់ចំណេញមួយចំនួនធំ ទើបអតីតស្វាមីរូបនេះ ព្យាយាមចោទប្រកាន់អតីតភរិយាឱ្យខានតែបាន៕
ប្រែសម្រួល៖ សន្យា
ចុចអាន៖ ដោយសាររឿងទាំងនេះ ទើបគ្មានតារាស្រករក្រោយវ៉ា Angelina Jolie បាន
ចុចអាន៖ Kylie លេងមួយក្បាច់ ប្រហោងពោះធ្លុងគ្រប់គ្នា ស្លៀកប៊ីគីនីដូចស្រាត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង