ជីវិតកម្សាន្ដ
ថ្វីត្បិតមានកូនកម្លោះ-ក្រមុំ តែតារាប្រុស ៥ រូបនេះ នៅតែសង្ហា មិនចាស់តាមវ័យសោះឡើយ
បើទោះបីជាប់ឈ្មោះជាឪពុក មានកូនធំពេញវ័យកម្លោះ-ក្រមុំទៅហើយក្ដី តែតារាល្បីៗក្នុងវិស័យសិល្បៈទាំងនេះ នៅតែមានរូបរាងសង្ហា និងចាក់អង្រួនបេះដូងមហាជនក្នុងប្រទេសថៃដដែល។
អ្វីដែលទស្សនិកជន តែងពោលពាក្យសរសើរមិនដាច់ពីមាត់ គឺថាតារាប្រុសៗទាំងនោះ មានកូនសុទ្ធតែស្រស់ស្អាត និងសង្ហាតែងាកមកពួកគេវិញ នៅតែមានផ្ទៃមុខក្មេងមិនចាញ់កូនៗឡើយ។ ក្នុងនោះមានដូចជា៖
១ Ken Theeradej
តារាប្រុសវ័យ ៤៤ ឆ្នាំ រូបនេះ បច្ចុប្បន្នមានកូនពីរនាក់ និងជាស្វាមីរបស់ Noi Busakorn ដែលពេលនេះអាចនិយាយបានថាកូនៗរបស់លោកទាំងអស់ កាន់តែធំពេញវ័យទៅហើយ។ ជាធម្មតាឪពុកកូននេះ តែងធ្វើសកម្មភាពដ៏លេចធ្លោជាមួយគ្នា ជាពិសេសផ្នែកកីឡា។ ទោះបីជាកូនប្រុសទាំងពីរនេះ កាន់តែធំក្ដី ងាកមក Ken នៅតែជះរាងសង្ហា និងអាចគ្រងដំណែងតួឯកក្នុងរឿងភាគបានដដែល។
២ Pete Thongchua
ងាកមកឪពុកកូន៣រូបនេះវិញ មានវ័យ ៥៣ ឆ្នាំទៅហើយ ប៉ុន្តែបើនិយាយពីរូបរាង លោកនៅតែសង្ហាដូចកម្លោះវ័យ២០ប្លាយដដែល។ អ្វីដែលសំខាន់កូនស្រីទាំងពីរនេះ បានក្លាយជាស្រីស្អាតនិងកំពុងតែសាងឈ្មោះល្បី ខណៈកូនប្រុសពៅក៏កាន់តែធំពេញវ័យ និងពោរពេញដោយទេពកោសល្យប្រណាំងរថយន្តមិនធម្មតាឡើយ។
៣ Jetrin Wattanasin
តារារ៉េបកូន៣នេះ បច្ចុប្បន្នមានវ័យ៥១ឆ្នាំ និងមានកូនសុទ្ធតែជាប្រុសៗ ហើយស្រលាញ់តន្ត្រី និងកីឡាដូចឪពុកគេដែរ។ បើនិយាយពីភាពសង្ហាវិញនៅប្រទេសថៃ គ្មានអ្នកណាមិននឹកឃើញដល់គ្រួសារតារាថៃនេះទេ ព្រោះត្រូវគេប្រដូចនឹងគ្រួសារ david beckham ។
៤ Yuranunt Pamornmontri
ក្នុងវ័យ៥៩ឆ្នាំ តារាសម្ដែងប្រុសរូបនេះមានកូន២នាក់ក្នុងបន្ទុក។ ប៉ុន្តែបើទោះជាកូនធំពេញវ័យស្រស់ស្អាត ទាំងពីរក្ដី តែតារាប្រុសរូបនេះនៅតែសង្ហាមិនចាញ់កម្លោះៗឡើយ។ ទន្ទឹមនោះ គ្រួសារមួយនេះ ត្រូវបានអ្នកគាំទ្រចាត់ទុកថាជាគ្រួសារគំរូ និងកក់ក្តៅបំផុតក្នុងប្រទេស។
៥ Thanwisit Siangwaan
ឪពុកកូនមួយរូបនេះមានវ័យ ៤២ ឆ្នាំ ខណៈកូនស្រីមានវ័យ ១៤ ឆ្នាំ។ ក្រៅពីកូនស្រីកំពុងធំពេញវ័យ តារាប្រុសពហុជំនាញនេះ ក៏ត្រូវបានមហាជនចាត់ទុកថាលោកនៅតែស្រស់ស្អាត មិនប្រែប្រួលទៅណាសោះ។ លើសពីនេះទៀត កូនស្រីរបស់លោក ក៏កាន់តែស្រស់ស្អាតខ្លាំងពីមួយថ្ងៃ។
យ៉ាងណាមិញ ក្រោយទស្សនារួចហើយ តើប្រិយមិត្តកម្ពុជាថ្មីយល់យ៉ាងណាដែរ ចំពោះភាពស្រស់សង្ហារបស់ប៉ាៗ ដែលមានវ័យជ្រេទៅហើយ តែសម្រស់នៅតែស្រស់សង្ហាដដែល?
ប្រែសម្រួល៖ សាង ស្រីល័ក្ខ
ចុចអាន៖ទម្លាយសម្រស់តារាថៃ ២០ ដួង ក្នុងរឿងភាគ ដែលទើបសម្ដែងលើកដំបូង
ចុចអាន៖Kimberly ប៉ះជាមួយ Kim Jisoo ម្ដងទៀត នៅ អេស្ប៉ាញ អ្នកគាំទ្រភ្ញាក់ផ្អើលខ្លាំង
-
ព័ត៌មានអន្ដរជាតិ១ សប្តាហ៍ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៥ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៧ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ចរាចរណ៍២ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ព័ត៌មានអន្ដរជាតិ៥ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ១ សប្តាហ៍ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៤ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៤ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?