Charlie Puth និង Jungkook ប្រកាសថ្ងៃចេញបទចម្រៀងរួមគ្នា ជាផ្លូវការ

អ្វីដែលហ្វេនៗសង្ស័យ ពេលនេះបានបញ្ជាក់ច្បាស់ហើយ! នោះគឺបទចម្រៀងថ្មីរបស់ Jungkook នៃក្រុម BTS និងតារាចម្រៀងអាមេរិក Charlie Puth នឹងចេញនៅសប្តាហ៍នេះ!

កាលពីថ្ងៃទី១៦ខែមិថុនា Charlie Puth បានប្រកាសថា ខ្លួននិង Jungkook កំពុងសហការគ្នាផលិតបទចម្រៀងថ្មីមួយ ចំណងជើង “Left and Right” ដែលនឹងមាននៅក្នុងអាល់ប៊ុមថ្មី “Charlie”។

ក្រោយការបង្ហាញបទចម្រៀងនេះតិចៗ នៅលើ TikTok​ តារាចម្រៀង Charlie Puth ប្រកាសថាប្រសិនបើបទចម្រៀងនេះ ទទួលការ Save ទុកជាមុនចំនួន ៥០០ ០០០ ដង បទនេះនឹងចេញនៅថ្ងៃទី២៤ ខែមិថុនា។

នៅថ្ងៃបន្ទាប់ ទាំងគណនីប្រព័ន្ធផ្សព្វផ្សាយសង្គមផ្លូវការរបស់ BTS និង Charlie Puth សុទ្ធតែបានបញ្ជាក់ថា បទចម្រៀង “Left and Right” នឹងបញ្ចេញនៅថ្ងៃទី ២៤ ខែមិថុនា ហើយពួកគេក៏បានបញ្ចេញរូបថត Teaser សម្រាប់ការចេញបទចម្រៀងនាពេលខាងមុខផងដែរ។

អ្នកគាំទ្រប្រហែលជានៅចាំ គ្រាដែល Jungkook និង Charlie Puth ធ្លាប់បានសហការគ្នាសម្រាប់ការសម្តែងពិសេសក្នុងកម្មវិធី MBC Plus X Genie Music Awards នៅប្រទេសកូរ៉េខាងត្បូង កាលពីឆ្នាំ ២០១៨។ តាំងពីពេលនោះ អ្នកគាំទ្ររំពឹងថា អ្នកទាំងពីរនឹងចេញចម្រៀងរួមគ្នានៅពេលណាមួយ ខណៈពេលនេះក្ដីរំពឹងបានក្លាយជាការពិតហើយ៕

ប្រែសម្រួល៖ សន្យា

ប្រភព៖ Soompi

ចុចអាន៖ ក្រុមចម្រៀង BTS ប្រកាសបំបែកគ្នា

ចុចអាន៖ ជីវិតកម្សត់នៅពីក្រោយភាពល្បីល្បាញរបស់តារាកូរ៉េ ៨ដួង គ្មានអ្នកធ្លាប់ដឹង