ឆាយ វីរៈយុទ្ធ រៀបរាប់ប្រាប់ពីតម្លៃខ្លួនពេលឡើងឆាកដំបូង

តារាចម្រៀង ឆាយ វិរ:យុទ្ធ បន្ទាប់ពីសាងភាពល្បីល្បាញក្នុងអាជីពសិល្ប:ជាច្រើនឆ្នាំ បច្ចុប្បន្នលោកបានរៀបរាប់ការដែលសាងភាពផ្អែមល្ហែមជាមួយភរិយាស្រស់ស្អាត និងទទួលបានចំណងដៃកូនស្រីដ៏ស្រស់ស្អាតម្នាក់ផងដែរ។

បើតាមការកត់សម្គាល់គិតមកដល់ពេលនេះ លោក ឆាយ វីរ:យុទ្ធ បានរៀបការជាមួយភរិយាតាមប្រពៃណីបានរយៈពេលប្រមាណ៥ឆ្នាំមកហើយ។ ដោយឡែកចាប់អារម្មណ៍រឿងអតីតកាលរបស់លោក ឆាយ វីរ:យុទ្ធ គ្រាដែលទើបចូលសិល្ប:​ដំបូងវិញត្រូវបានលោកទម្លាយយ៉ាងភ្ញាក់ផ្អើលអំពីតម្លៃខ្លួនពេលឡើងឆាកដំបូងៗស្ទើរមិនគួរឲ្យជឿរ។

តាមរយ:កិច្ចសម្ភាសន៍កាលពីថ្មីៗក្នុងកម្មវិធីកម្សាន្តមួយតារាប្រុសលោក ឆាយ វីរ:យុទ្ធ ដែលជាម្ចាស់បទ «ទឹកលុយសម្លាប់ទឹកចិត្តខ្ញុំ» បានបញ្ជាក់ថា តម្លៃខ្លួនដែលលោកឡើងឆាកច្រៀងដំបូងៗ គឺទទួលបានតម្លៃខ្លួនត្រឹមតែ១៥០ដុល្លារប៉ុណ្ណោះ ដែលកាលនោះ គឺនៅអំឡុងឆ្នាំ២០០៥​ ឬទ២០០៦។ លោកបញ្ជាក់ថា បទដែលខ្លួននៅតែពេញចិត្ត និងលើកមក​ច្រៀងដល់សព្វថ្ងៃមានដូចជា “នឹកដូចគ្នា” “ក្លាច ការពិតត្បិតមិនចង់បែក” និងបទ “កុំឲ្យគេឈឺចាប់ដោយសារបង។

សូមជម្រាបថា លោក ឆាយ វីរៈ​យុទ្ធ ត្រូវបានគេមើលឃើញថា គឺជាតារាចម្រៀងដ៏ល្បីមួយរូបដែលទទួលបានការគាំទ្រយ៉ាងច្រើនពីសំណាក់មហាជន ពិសេសតាមរយៈការច្រៀងបទបែមនោសញ្ចេតនាដោយសារតែទឹកដមសំឡេងរបស់លោកពីរោះផ្ផ្អែមល្ហែមច្រៀងម្ដងៗពោរពេញដោយការបង្កប់អត្ថន័យខ្ពស់ធ្វើឲ្យមហាស្តាប់ហើយស្លុងអារម្មណ៍គ្រប់គ្នា៕

អត្ថបទ៖ ចាន់រ៉ា