តារាចម្រៀងជើងចាស់លោក សុះ ម៉ាច មិន​លះបង់សិល្ប: ដរាបណា​មហាជន​នៅគាំទ្រ

តារាចម្រៀងជើងចាស់ដ៏ល្បីឈ្មោះលោក សុះ ម៉ាច បានប្រកាសជំហរជាថ្មីថាលោកមិនបោះ បង់ចោលអាជីពសិល្ប:នោះទេដរាបណាមហាជននៅតែបន្តការគាំទ្រដល់រូបលោក។

ការប្រកាសរក្សាជំហរស្រលាញ់វិស័យសិល្ប:របស់តារាចម្រៀងលោក សុះ ម៉ាច បានធ្វើឲ្យអ្នកគាំទ្រនិងមហាជនលើកការ​សរសើរគ្រប់គ្នា។ មិនតែប៉ុណ្ណោះក៏មានអ្នកប្រើប្រាស់បណ្តាញសង្គម និងទស្សនិកជនជាច្រើនបង្ហាញការគាំទ្រយ៉ាងពេញទំហឹងចំពោះសម្តីលើកឡើងនេះផងដែរ។

ជាក់ស្តែងលោក សុះ ម៉ាច បានបង្ហោះរូបភាពមួយសន្លឹកដោយបានរៀបរាប់ខ្លឹមសារដូច្នេះថា ពួកខ្ញុំចាស់ៗមែន​ប៉ុន្តែនៅ​តែ​ទៅណាមិនឆ្ងាយពីសិល្ប: ដរាបណាមហាជននៅតែគាំទ្រ និង​នៅ​បន្តបំពេរអារម្មណ៍ដដែល។ ជាមួយគ្នានេះ លោក សុះ ម៉ាច ក៏បានស្នើឲ្យមហាជនបន្តការគាំទ្រតារាចម្រៀងជើងចាស់ៗដែលមានសមត្ថភាពដូចគ្នា។

សូមជម្រាបដែរថា លោក សុះ ម៉ាចគឺជាតារាចម្រៀងជើងចាស់ដែលទទួលបានការគាំទ្រនិងមានប្រជាប្រិយភាពរបស់ខ្មែរមួយរូប ខណ:កន្លងមកលោកក៏ត្រូវបានបោះឆ្នោតឱ្យធ្វើជាប្រធានសមាគមសិល្បករខ្មែរចំនួន ២ អាណត្តិទៀតផង។យ៉ាងណាមិញថ្វី ត្បិតពេលនេះលោកមានវ័យកាន់តែជ្រេរហើយក្តី តែប្រជាប្រិយភាពនៅតែរក្សាបានដូចដើម៕

អត្ថបទ៖ ចាន់រ៉ា