ជីវិតកម្សាន្ដ
ដើមខែថ្មី អ្នកស្រី ប៊ុន ចាន់និមល ទម្លាយផែនការពិសេសថ្មី របស់ Sastra Film
កន្លងមក សាស្ត្រាហ្វីម (Sastra Film) ធ្លាប់ផលិតភាពយន្តបញ្ចាំងរោងមួយរឿង គឺរឿង “ពោះធំ” ដោយទទួលបានការគាំទ្រជាច្រើនពីមហាជន នៅខែចុងខែសីហា ឆ្នាំ២០២០ បន្ទាប់ពីរឿងនេះជោគជ័យកាលពីបញ្ចាំងជារឿងអប់រំខ្លី លើកញ្ចក់ទូរទស្សន៍ បាយ័ន។
ខណៈសាស្ត្រាហ្វីម នៅតែមានដំណើរការល្អតាមរយៈការផលិតភាពយន្តតាមស្ថានីយ៍ទូរទស្សន៍នានា ប៉ុន្តែរយៈពេលជាយូរមកហើយ ជាង ២ ឆ្នាំមកនេះ សាស្ត្រាហ្វីម មិនមានភាពយន្តបញ្ចាំងរោង ថ្មីបន្តទៀត។ នៅដើមខែថ្មី ខែកញ្ញានេះ សាស្ត្រាហ្វីម បានទម្លាយផែនការថ្មី របស់ខ្លួន តាមរយៈ “កម្ពុជាថ្មី”។
អ្នកស្រី ប៊ុន ចាន់និមល អ្នកនិពន្ធ និងជានាយិកា ផលិតកម្ម Sastra Film មានប្រសាសន៍ប្រាប់ “កម្ពុជាថ្មី” ថា ការណ៍ដែល សាស្ត្រាហ្វីម មិនដាក់ភាពយន្តបញ្ចាំងរោងជាបន្តនោះ ដោយសារក្រុមហ៊ុនមានយុទ្ធសាស្ត្រក្នុងការធ្វើទីផ្សារភាពយន្តរបស់ខ្លួន។
លោកស្រី ប៊ុន ចាន់និមល មានប្រសាសន៍បន្តថា៖ “យើងមើលឃើញថា តើយើងគួរចាប់ទីផ្សារណាទៅមុន។ ផលិតកម្មនៅក្នុងស្រុក ពេលបើកផលិតកម្ម គាត់ចាប់ទីផ្សារ រឿងដាក់រោងភាពយន្ត ដោយឡែក សាស្ត្រាហ្វីម មានយុទ្ធសាស្ត្ររបស់ខ្លួន។ ចាប់ផ្ដើមដំបូង មិនមែនរឿងដាក់រោងកុនទេ គឺយើងចាប់ផ្ដើមជាមួយទូរទស្សន៍ បណ្ដាញសង្គម និងទម្រង់ផ្សេងៗ យើងមានជំហានដើររបស់យើង”។
CEO ផលិតកម្ម Sastra Film រូបនេះ លើកឡើងថា តាមរយៈការដាក់ភាពយន្តខ្នាតធំមួយរឿង គឺរឿង “ពោះធំ” ដាក់បញ្ចាំងតាមរោងភាពយន្តកន្លងមកនោះ គឺជាការពិសោធន៍ ការស្ទាបស្ទង់ និងការមើលទីផ្សារ។
លោកស្រី ប៊ុន ចាន់និមល មានប្រសាសន៍បន្តថា៖ “ឥឡូវនេះ យើងកំពុងរៀបចំផែនការ ចាប់ពីខែ៩ នេះទៅ សាស្ត្រានឹងមានរឿងរបស់ខ្លួនចេញរៀងរាល់១ខែម្ដង នៅតាម រោងភាពយន្ត។ ដល់ពេលដែលយើងអាចបង្កើតទីផ្សារថ្មីបន្ថែមទៀត លើទីផ្សារដែលយើងមានស្រាប់នៅពេលបច្ចុប្បន្ន”។
លោកស្រី ប៊ុន ចាន់និមល បានឱ្យ “កម្ពុជាថ្មី” ដឹងបន្ថែមថា ភាពយន្តបញ្ចាំងរោងបន្ទាប់ដែលសាស្ត្រាត្រៀមនោះ មានចំណងជើង រឿង “ថ្ងៃនេះ ថ្ងៃស្អែក នៅតែស្រឡាញ់” ឬ “Today Tomorrow I love you” ជាភាពយន្តផលិតថ្មីមិនដែលផ្សាយ។
គួរបញ្ជាក់ថា សាស្ត្រាហ្វីម ជាក្រុមហ៊ុនផលិតភាពយន្ត បង្កើតដោយកូនខ្មែរ ដែលមានផលិតភាពយន្តភាគ ភាពយន្តអប់រំ ភាពយន្តខ្សែជីវិត ដាក់ទូរទស្សន៍ និង App ផ្ទាល់ខ្លួន។ សាស្ត្រាហ្វីម កំពុងទទួលបានការគាំទ្រពីមហាជន ដោយសារការផលិតភាពយន្តប្លែកៗ និងមានគុណភាពអាចទទួលយកបាន៕
អត្ថបទ៖ ច័ន្ទ វីរៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ