ជីវិតកម្សាន្ដ

អៀ ម៉េងលិ បញ្ជាក់ច្បាស់ៗក្រោយមានការសង្ស័យត្រូវគ្នាវិញជាមួយអតីតសង្សារ

បានផុស

៦ ខែ មុន

នៅ

ថ្ងៃពុធ ១៤ កញ្ញា ២០២២

ដោយ

ទស្សនិកជន និងអ្នកគាំទ្របានដឹងហើយថា តារាសម្តែងស្រីរូបស្រស់កញ្ញា អៀ ម៉េងលិ កាលពីថ្មីៗកន្លងទៅនេះ បានប្រកាសពីការបែកបាក់ស្នេហ៍ជាមួយសង្សារ ដែលស្រលាញ់គ្នាប្រមាណ ៥ ឆ្នាំមកហើយបង្កការភ្ញាក់ផ្អើលដល់មហាជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីរឿងរ៉ាវស្នេហាត្រូវបានបញ្ចប់ តាមរយៈការចែកផ្លូវគ្នាដើររៀងខ្លួននោះតារាស្រី អៀ ម៉េងលិមក ទល់ពេលនេះគេមិនទាន់ដឹងទេថានាងអាចទទួលយកបុរសណាម្នាក់ ដើម្បីស្អំបេះដូងនៅឡើយទេ ខណៈមានការបង្ហើបថា កំពុងមានបុរសជាច្រើនតាមលួងលោកសុំស្នេហ៍ពីតារាស្រីរូបនេះ។

ដោយឡែករឿងដែលគេចាប់អារម្មណ៍ និងជាមន្ទិលសង្ស័យរបស់អ្នកគាំទ្រទៀតនោះ គឺថ្មីៗមុននេះបន្តិចស្រីស្អាត អៀ ម៉េងលិ បានបង្ហោះសារហាក់បង្ហាញពីសញ្ញានៃការផ្សះផ្សាស្នេហ៍ជាមួយអតីតសង្សារវិញ។ ខ្លឹមសារនោះកញ្ញា អៀ ម៉េងលិ បានលើកឡើងថា«ខ្ញុំព្រមជួសជុលកែវដែលបែកមិនមែនព្រោះខ្ញុំគ្មានសមត្ថភាពទិញកែវថ្មីទេ តែដែលខ្ញុំព្រមជួសជុល ព្រោះកែវមួយនេះជាកែវដែលខ្ញុំស្រលាញ់ខ្លាំងបំផុត»។

តាមរយៈខ្លឹមសារនេះ បានធ្វើឲ្យអ្នកគាំទ្រតារាស្រីរូបនេះដាក់ការសង្ស័យថា ម៉េងលិ ទំនងអាចត្រូវគ្នាជាមួយអតីតសង្សាររបស់ខ្លួនវិញ។ ប៉ុន្តែជាការឆ្លើយតបព័ត៌មានដែលសង្ស័យខាងលើនេះ ភ្លាមៗនោះស្រី ស្អាត អៀ ម៉េងលិ ចេញមកបញ្ជាក់ច្បាស់ៗថា«ខ្ញុំផុសគ្រាន់តែឲ្យត្រូវសាច់រឿងfan fan ទេ ពួកខ្ញុំមិនអាចដូចដើមទេអរគុណ»។

គួររម្លឹកថាកាលពីថ្ងៃទី ២៩ ខែកក្កដា ឆ្នាំ ២០២២ កន្លងទៅស្រីស្អាត អៀ ម៉េងលិ បានប្រកាសដំណឹងនៃការបែកបាក់ស្នេហ៍ជាមួយអតីតសង្សារបស់ដែលស្រលាញ់គ្នាជាង ៥ ឆ្នាំ។ កាលនោះដំណឹងនេះ បានធ្វើឲ្យអ្នកគាំទ្រ និងប្រើប្រាស់បណ្តាញសង្គមហ្វេសប៊ុកចាប់អារម្មណ៍ ខណៈពេលនេះគេមិនទាន់ដឹងទេថា ម៉េងលិ អាចប្រើពេលយូរឬយ៉ាងទេ ដើម្បីព្យាបាលស្នាមរបួសស្នេហ៍ចាស់ហើយជ្រើសយកអ្នកថ្មី៕

អត្ថបទ៖ ចាន់រ៉ា