ពេជ្រ សូលីកា អង្វរសុំចិត្តអ្នកគាំទ្រឈប់រម្លឹករឿងអតីតកាលឈឺចាប់របស់ខ្លួន

អ្នកមេម៉ាយចាយសម្រស់ ពេជ្រ សូលីកា មួយរយ:ចុងក្រោយនេះហាក់ជួបប្រទះនូវរឿងរ៉ាវស្មុគស្មាញ និងមិនសប្បាយចិត្តមួយចំនួន ពោលគឺចាប់តាំងពីមានដំណឹងនៃការបែកបាក់ស្វាមី។ ជាការកត់សម្គាល់អ្នកនាង ពេជ្រ សូលីកា គឺ បច្ចុប្បន្នរំលងបញ្ហាមួយចូលដល់បញ្ហាមួយ ខណ:សាមីខ្លួនស្ទើរតែបាក់ទឹកចិត្តទៅហើយ។

ដោយឡែកថ្មីៗនេះស្រាប់តែមានអ្នកគាំទ្រ និងប្រើប្រាស់បណ្តាញសង្គមហ្វេសប៊ុកមួយចំនួនតែងលើកយករឿងអតីតកាលរបស់នាងមករំលឹកជាបន្តបន្ទាប់ទើបធ្វើឲ្យអ្នកនាង ពេជ្រ សូលីកា កាន់តែមានអារម្មណ៍មិនសប្បាយរហូចចេញមុខទទូចសុំចិត្តមហាជនឲ្យបញ្ឈប់ការលើកនិយាយរឿងរ៉ាវទាំងនោះជាថ្មី។

តារាចម្រៀង ពេជ្រ សូលីកា បានលើកឡើងថា ហេតុអី្វដឹងហើយឭហើយចាំបាច់ចូលទៅខមមិនលើ VDOចាស់ៗមករំលឹកអតីតកាលឈឺចាប់របស់ខ្ញុំទៀតធ្វើអី។ “សល់ត្រឹមការចង់ចាំ” ? តើអ្នកខមមិនស្គាល់ពីការឈឺចាប់អ្នកដទៃដែរទេ?VDO ខ្លះផុសយូរខែយូរឆ្នាំហើយខ្ញុំសុំចិត្តបងៗផុសហើយអោយវាហួសទៅចុះ។

អ្នកនាង ពេជ្រ សូលីកា បាននិយាយបន្តទៀតថា ” បើសិនខ្ញុំលុបបានខ្ញុំលុបចោលបាត់ហើយមិនចាំអោយបងៗមកខមមិនទាន់ទេ តែVDOខ្លះវាជាកាតាព្វកិច្ចការងារ សុំចិត្តបងៗ ។ ដោយមានការលើកឡើងបែបនេះក៏មានការបញ្ចេញទស្សន:ពីអ្នកគាំទ្រថា ពួកគាត់មួយចំនួននៅតែចង់ដឹងចង់ឮរឿងដែលហួសហើយទាំងដឹងថា ម្ចាស់ខ្លួនគេឈឺចាប់ហើយលែងចង់រំឭក។ ក្នុងភាពជាមនុស្ស យើងត្រូវចេះយល់ពីអារម្មណ៍អ្នកដទៃមិនត្រូវធ្វើរឿងមិនប្បីទោះតិចតូចក្ដី៕

អត្ថបទ៖ ចាន់រ៉ា