ជីវិតកម្សាន្ដ
ខ្ញុង ស្នើសារព័ត៌មានមួយចំនួន កុំចុះផ្សាយអ្វីដែលលើសការពិត
គេសង្កេតឃើញថា តារាកំប្លែងអ្នកនាង ស្រេង សុកាន់ដា ហៅ ខ្ញុង អំឡុងរយៈពេល ១ ឆ្នាំចុងក្រោ យនេះ នាងហាក់ជួបប្រទះបញ្ហាស្មុគស្មាញដោយឥតស្រាកស្រាន្តឡើយ ពោលចាប់តាំងពីតារាស្រីរូបនេះ ទម្លាយពីការជំពាក់បំណុលគេជាងកន្លះលានដុល្លារ។

ដោយសារតែបញ្ហា នៃការជំពាក់បំណុលនេះ ទើបអ្នកនាង ខ្ញុង បានធ្លាក់ខ្លួនស្ទើរចំណុចសូន្យ ព្រោះត្រូវបាត់បង់ទាំងអាជីពកំប្លែង និងលក់ទ្រព្យសម្បត្តិអស់ខ្ទេចអស់ខ្ទីគ្មានសល់ពីខ្លួន។ ប៉ុន្តែអ្វីដែលគួរឲ្យសរសើរលើការតស៊ូនោះ គឺ ខ្ញុង និងស្វាមី សព្វថ្ងៃបាននិងកំពុងខិតខំក្នុងការលក់ត្រីងៀត ត្រីឆ្អើរ ផ្អក ព្រមទាំងផលិតផលមួយចំនួន ដើម្បីដោះដូរបានប្រាក់មកសងបំណុលគេតាមដំណាក់កាល។

ជាការពិតស្របពេលជាមួយគ្នា នៃការខិតខំរកលុយដើម្បីដោះបំណុលគេនេះដែរ ខ្ញុង ថ្មីៗនេះ ក៏បានសន្យាចំពោះខ្លួនឯង ឬបុគ្គលដែលធ្លាប់មើលងាយថា ដរាបណាជីវិតនាងនៅ នាងមិនឲ្យមនុស្សអាក្រក់សើចនាងបានយូរពេកទេ។ ដោយឡែករឿងដែលធ្វើឲ្យអ្នកនាងខ្ញុងរឹតតែកើតទុក្ខមិនសប្បាយចិត្តទៀតនោះ គឺក្រោយមានបុគ្គលមួយក្តាប់តូចចាំជាន់ពន្លិច និងមើលងាយកិត្តិយសរបស់នាងដដែលជាដដែល។

ទន្ទឹមគ្នានេះដែរ តារាកំប្លែង ខ្ញុង ក៏បានចេញមកស្នើសុំ ដោយទទូចដល់សារព័ត៌មានមួយចំនួនផងដែរ សូមឲ្យចុះផ្សាយនូវអ្វីដែលជាការពិត ពោលគឺកុំចុះផ្សាយអ្វីដែលលើសពីការពិត។ ក្នុងនោះអ្នកនាង ខ្ញុង បានលើកឡើងថា អាណិតខ្ញុំទៅខាងសារព័ត៌មានមួយចំនួនអើយ កុំចុះអីលើសៗពេកខ្ញុំអត់ដឹងអីទេ កុំឲ្យមនុស្សអត់ខួរមួយចំនួនខំមិនដៀលជេរមើលងាយមនុស្សមិនដឹងខ្យល់។

សូមបញ្ជាក់ថា កាលពីកន្លងមកតារាកំប្លែងអ្នកនាង ស្រេង សុកាន់ដា ហៅ ខ្ញុង ដែលបច្ចុប្បន្នត្រូវបានគេដឹងថា នាងកំពុងរួមរឹតដោយការជំពាក់បំណុលគេវ័ណ្ឌកនោះ ធ្លាប់បានប្រកាសរក្សាជំហររបស់ខ្លួន ដោយភាពជឿជាក់ថា នាងមិនរត់ចោលបំណុល ឬគិតខ្លីសម្លាប់ខ្លួនទេ បើទោះបីត្រូវមានទោស និងរកបានព្រឹកខ្វះល្ងាចក្តី៕
អត្ថបទ ៖ ចាន់រ៉ា
-
ព័ត៌មានអន្ដរជាតិ១ សប្តាហ៍ មុន
លោក ប្រាយុទ្ធ ត្រូវបញ្ជូនចូលមន្ទីរពេទ្យ ខណៈវេជ្ជបណ្ឌិតកំពុងតាមដានអាការរោគ
-
សន្តិសុខសង្គម១ សប្តាហ៍ មុន
សម្លាប់កូនអាយុ ៤ ឆ្នាំ រួចចង.ក សម្លាប់ខ្លួនឯងតាមក្រោយ
-
ព័ត៌មានជាតិ៥ ថ្ងៃ មុន
សម្តេចតេជោ៖ ការបង្ហាញវប្បធម៌ខុសក្បួនខ្នាត ស្មើបំផ្លាញវប្បធម៌ទៅវិញ
-
ព័ត៌មានជាតិ១ សប្តាហ៍ មុន
៤ ខែ មានគ្រោះថ្នាក់ចរាចរណ៍ ៦២ ករណី កើតឡើងលើផ្លូវល្បឿនលឿនទៅខេត្តព្រះសីហនុ
-
ចរាចរណ៍១ សប្តាហ៍ មុន
រថយន្ដធុនធំកិនស្លាប់ប្ដីប្រពន្ធពីរនាក់ ចំណែកកូនរបួសធ្ងន់ ខណៈជិះម៉ូតូឌុបគ្នាបុកសត្វគោរត់ឆ្លងផ្លូវ
-
ព័ត៌មានអន្ដរជាតិ១ សប្តាហ៍ មុន
លោក Trump ប្តេជ្ញានឹងបញ្ចប់ជម្លោះអ៊ុយក្រែនក្នុងរយៈពេល ២៤ ម៉ោង
-
ជីវិតកម្សាន្ដ១ សប្តាហ៍ មុន
កញ្ញា Zoe Gabriel ក្លាយជាម៉ូដែលប្រចាំម៉ាក Charles & Keith ក្រោយរងការមាក់ងាយ
-
ព័ត៌មានជាតិ៦ ថ្ងៃ មុន
វិនិយោគិនហុងកុង គ្រោងបង្កើតរោងចក្រកាបូបប្រើកម្លាំងពលកម្មជាង ១ម៉ឺន២ពាន់នាក់ នៅខេត្តកំពង់ស្ពឺ