ទម្លាយវិធីបំបាត់ស្ត្រេស ៥យ៉ាង ដែលក្រុមចម្រៀង BLACKPINK តែងតែអនុវត្តជាប្រចាំ

ថ្ងៃនេះ កម្ពុជាថ្មីផ្លឹស នឹងនាំប្រិយមិត្តមកដឹងទម្លាប់ ៥យ៉ាង ដែលសមាជិក BLACKPINK ម្នាក់ៗតែងតែអនុវត្តមិនដែលខាន នៅពេលពួកគេស្រ្តេសខ្លាំង ឬរងសម្ពាធពីការងារ។ ទម្លាប់ទាំងនោះរួមមាន៖

១. គេង

នៅក្នុងអំឡុងពេលសម្ភាសន៍ជាមួយកម្មវិធី iHeartRadio ពិធីករ EJ បានសួរពីវីធីសាស្ត្របំបាត់ស្រ្តេសដែលក្រុម BLACKPINK ទម្លាប់ធ្វើជាប្រចាំ ហើយភ្លាមៗ Jennie បានឆ្លើយថា ការគេងគឺជាវិធីល្អបំផុតដែលនាងតែងអនុវត្តជានិច្ច រាល់ពេលស្ត្រេស។

២. ញ៉ាំអាហារឆ្ងាញ់ៗ

ទម្លាប់នេះក៏ត្រូវបាន Jennie ជាអ្នកឆ្លើយតបដែរ នាង​ថា ការញ៉ាំ​អាហារឆ្ងាញ់ៗ និងការ​គេង​លើពូកទន់ៗ គឺជាក្ដីសុខបំផុត ពេលស្មុគស្មាញម្ដងៗ។ ជាមួយគ្នាដែរ Jisoo, Rosé និង Lisa ក៏បានយល់ស្របចំពោះទម្លាប់នេះដូចគ្នា។

៣. មើលវីដេអូលើ Netflix

បន្ថែមពីលើការគេង និងញ៉ាំអាហារ Lisa និង Rosé បានចែករំលែកថា ពួកគេចូលចិត្តរំសាយអារម្មណ៍តាមរយៈការទស្សនាវីដែអូនៅលើ Netflix។

៤. ប្រលែងលេងជាមួយសត្វចិញ្ចឹម

ដោយសារសមាជិក BLACKPINK ទាំងអស់សុទ្ធតែមានសត្វចិញ្ចឹមរៀងខ្លួន ដូច្នេះការមើលថែសត្វដោយការងូតទឹក និងការប្រលែងលេងជាមួយវា បានជួយរំលែកស្រ្តេសរបស់ពួកគេយ៉ាងខ្លាំង។

៥. ទិញទំនិញអនឡាញ

ភាពរីករាយរបស់ Lisa និង Rosé ក្រោយរងសម្ពាធខ្លាំពីការងារ ពួកគេទម្លាប់ទិញអីវ៉ាន់អនឡាញ ស្របពេលដែល Jennie ក៏និយមទិញទំនិញតាមអ៊ីនធឺណិតដូចគ្នា ទើបធ្វើឱ្យនាងសប្បាយចិត្ត។

ចុះប្រិយមិត្តវិញ យល់យ៉ាងណាចំពោះទម្លាប់របស់សមាជិកទាំង ៤ នៃក្រុម BLACKPINK?

ប្រែសម្រួល៖ សន្យា

ចុចអាន៖ អ្នកគាំទ្រផ្ទុះកំហឹង ក្រោយ YouTuber ពីរនាក់ យកបទ BLACKPINK ទៅច្រៀងផ្លែផ្កា (មានវីដេអូ)

ចុចអាន៖ Park Shin Hye ប្រាប់ក្ដីស្រមៃចំពោះគ្រួសារ មុនក្លាយជាតារាល្បីសព្វថ្ងៃ