ជីវិតកម្សាន្ដ

ឥទ្ធិពល Bright ធ្វើឲ្យយីហោល្បីមួយ រកចំណូលបានយ៉ាងក្រាស់ក្រែល

បានផុស

៤ years មុន

នៅ

ថ្ងៃព្រហស្បតិ៍ ៣ វិច្ឆិកា ២០២២

ដោយ

តារាសម្ដែង Bright Vachirawit ជួយឲ្យយីហោល្បីមួយ រកចំណូលបាន ១៧.៨លានដុល្លារ បន្ទាប់ពីលោកបង្ហាញខ្លួនក្នុងកម្មវិធី Fashion Week កាលពីខែមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយត្រូវបានអញ្ជើញឲ្យចូលរួមក្នុងព្រឹត្តិការណ៍បង្ហាញម៉ូដ THE BURBERRY SPRING SUMMER 2023 នៅទីក្រុងឡុងដ៍ ប្រទេសអង់គ្លេស ។ តារាសម្ដែងរូបនេះ ទទួលបានការចាប់អារម្មណ៍យ៉ាងច្រើន ពីបណ្ដាញផ្សព្វផ្សាយម៉ូដអន្តរជាតិ និងបណ្ដាញសង្គម ពីរូបរាងនៃស្លៀកពាក់របស់លោក។

ជាក់ស្ដែង កាលពីពេលថ្មីៗនេះ ប្រព័ន្ធផ្សព្វផ្សាយ WWD បានបង្ហាញព័ត៌មានពី Launchmetrics ការបង្ហាញម៉ូដសំលៀកបំពាក់ក្រៅបណ្ដាញរបស់ Burberry នៅទីក្រុងឡុងដ៍ ខណៈតម្លៃប្រព័ន្ធផ្សព្វផ្សាយ (MIV: Media Impact Value) បានបង្ហាញពីតារាសម្តែងថៃវ័យក្មេង Bright Wachirawit រកចំណូលជាង១៧.៨លានដុល្លារ។MIV វាស់វែងតាមលទ្ធភាពដែលតារារូបនេះ ចូលរួមក្នុងប្រព័ន្ធផ្សព្វផ្សាយផ្សេងៗ ទាក់ទងនឹងសិល្បករ រួមទាំងប្រព័ន្ធផ្សព្វផ្សាយសង្គមជាមួយនឹងការលើកឡើងពីការ Like, Share, Comments ឬចុចលើតំណភ្ជាប់តាមរយៈគេហទំព័រ។

គួរបញ្ជាក់ដែរថា Bright Wachirawit ត្រូវបានអញ្ជើញឲ្យចូលរួមក្នុងកម្មវិធីបង្ហាញម៉ូដ ក្នុងនាមជា Brand Ambassador ដំបូងគេ នៃតំបន់អាស៊ីប៉ាស៊ីហ្វិកខាងត្បូង ដែលចាត់ទុកថាជាតារាល្បីមួយរូបទៀតដែលមានឥទ្ធិពលប្រព័ន្ធផ្សព្វផ្សាយក្នុងឧស្សាហកម្មម៉ូដ៕