ទម្លាយតម្លៃឈុតដែល Jung Kook ស្លៀកសម្ដែងនៅក្នុងពិធីបើកការប្រកួត World Cup ថ្ងៃមុន

វត្តមាននៃការសម្តែងរបស់តារាចម្រៀង Jung Kook សមាជិកក្រុម BTS នៅថ្ងៃបើកកម្មវិធីប្រកួតបាល់ទាត់ពិភពលោក FIFA World Cup 2022 បានបង្កការចាប់អារម្មណ៍ពីទស្សនិករាប់លាននាក់នៅជុំវិញពិភពលោក។ ក្រៅពីខ្លឹមសារនៃបទចម្រៀង “Dreamers” ដ៏មានអត្ថន័យ សាធារណជនជាច្រើនផ្ទុះការចាប់អារម្មណ៍ខ្លាំងផងដែរទៅលើស្ទីលតុបតែងខ្លួនរបស់តារាប្រុសរូបនេះ ជាពិសេសតម្លៃឈុតដែល Jung Kook ស្លៀកសម្ដែងនៅលើឆាក World Cup 2022 ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពី Bestie បានឱ្យដឹងថា អាវក្រៅ និងខោជើងវែង ដែល Jungkook បានស្លៀកពាក់ គឺជាម៉ាកយីហោ Versace របស់អ៊ីតាលី ខណៈអាវមានតម្លៃជាង ១៤,៧៧៥ដុល្លារ រីឯខោវិញមានតម្លៃប្រហែល ១,២២៥ដុល្លារ។

លើសពីនេះ ស្បែកជើងកវែងរបស់ Jung Kook គឺជាទំនិញពីម៉ាក Bottega Veneta ដែលមានតម្លៃជាង ១,៦៥០ដុល្លារ ហើយក្រវិលរបស់តារាប្រុសរូបនេះបានមកពីម៉ាក One Enough មានតម្លៃប្រហែល ៧១ដុល្លារ។ សរុបត្រួសៗ មួយឈុតរបស់ Jung Kook កាលពីប៉ុន្មានថ្ងៃមុនមានប្រមាណ ១៧,៧២១ដុល្លារអាមេរិក។

គួររំលឹកថា កាលពីល្ងាចថ្ងៃទី២០ ខែវិច្ឆិកា តារាចម្រៀង Jung Kook បានបង្ហាញខ្លួនច្រៀងជាមួយតារាចម្រៀងប្រទេសកាតា លោក Fahad Al Kubaisi នៅក្នុងពិធីបើកការប្រកួតបាល់ទាត់ពិភពលោក ឆ្នាំ២០២២ ដែលធ្វើឡើងនៅកីឡដ្ឋាន Al Bayt ប្រទេសកាតា។ ជាមួយអ្នកទស្សនាផ្ទាល់ជាង ៦ម៉ឺននាក់ Jung Kook សម្ដែងបានយ៉ាងល្អនៅពីមុខទស្សនិកជន និងបានបង្កើតប្រវត្តិសាស្ត្រ ក្លាយជាតារាអាស៊ីដំបូងគេបង្ហាញខ្លួននៅលើឆាក FIFA World Cup ៕

ប្រែសម្រួល៖ សន្យា

ចុចអាន៖ មកដឹងអត្ថន័យបទចម្រៀងរបស់ Jungkook សម្ដែងបើកការប្រកួត World Cup យប់មិញ

ចុចអាន៖ កាតា ​ហ៊ានចំណាយរាប់រយពាន់លានដុល្លារ ក្រោយក្លាយជាម្ចាស់ផ្ទះ World Cup ឆ្នាំនេះ