មកដឹងអត្ថន័យបទចម្រៀងរបស់ Jungkook សម្ដែងបើកការប្រកួត World Cup យប់មិញ

ក្រោយពីការសម្តែងបើកការប្រកួតបាល់ទាត់ពិភពលោកឆ្នាំ ២០២២ របស់ Jungkook មានមាតិជាច្រើនសរសើរជាមួយនឹងបទ “Dreamers” ហើយបទចម្រៀងនេះត្រូវបានផលិតយ៉ាងសម្រិតសម្រាំង នឹងបង្កប់ន័យយ៉ាងជ្រាលជ្រៅដល់ក្រុម ដែលចូលរួម World Cup ឆ្នាំ ២០២២ ។

បទ “Dreamers” ដែលទើបនឹងចេញថ្មីរបស់ Jungkook ដែលផលិតឡើងសម្រាប់ការស្តែងពិធីបើកការប្រកួត World Cup ឆ្នាំ ២០២២ តារាចម្រៀងកូរ៉េវ័យក្មេងរូបនេះមានកិត្តិយសក្នុងការសម្ដែងបទ ចម្រៀងនេះក្នុងកម្មវិធី World Cup ជាមួយតារាចម្រៀងប្រចាំប្រទេសកាតាលោក Fahad Al Kubaisi ។

បទចម្រៀងនេះមានសាច់ភ្លេង និងទំនុកច្រៀងដ៏រស់រវើក ដែលបានបង្កប់ន័យដើម្បីជំរុញទឹកចិត្តក្រុម ដែលចូលរួមក្នុងការប្រកួត World Cup ជាពិសេសត្រង់ប៉ារ៉ូលច្រៀងថា “We are dreamers, let’s make dreams come true, because we can.” ដែលមានន័យថា «យើងបានសុបិន សូមឲ្យសុបិនក្លាយជាការពិត ព្រោះយើងអាចធ្វើបាន»។

យ៉ាងទៅតាមប្រព័ន្ធផ្សព្វផ្សាយរបស់កូរ៉េបានបង្ហើបម្តងហើយម្តងទៀតថា BTS បានរៀបចំបទចម្រៀងនេះ សម្រាប់ការប្រកួតបាល់ទាត់ពិភពលោកឆ្នាំ ២០២២ ហើយជាមួយគ្នានេះ ការ​ដែល​មាន​តែ Jungkook ម្នាក់សម្តែង​ក្នុង​ពិធី​បើកព្រឹត្តិការណ៍​ក៏​ធ្វើ​ឱ្យអ្នកគាំទ្រច្រើន​សោកស្ដាយ ដោយសមាជិកទាំងអស់មិនបានចូលរូមសម្តែងផងដែរ។

យ៉ាងណាមិញ បទ “Dreamers” ក៏បានបង្កើតកំណត់ត្រាថ្មីសម្រាប់បទចម្រៀងផ្លូវការ FIFA World Cup លឿនបំផុតដើម្បីជាប់ចំណាត់ថ្នាក់លេខ ១ នៅលើតារាង iTunes Top Songs នៅសហរដ្ឋអាមេរិកបទចម្រៀងនេះ ចំណា យពេលត្រឹមតែ ២ ម៉ោង ១១ នាទីប៉ុណ្ណោះដើម្បីឡើងលើតារាងមួយនេះបាន៕

ប្រែសម្រួល៖នាងតូច

ចុចអាន៖បង្ហាញមុខមិត្តស្និទ្ធស្នាល របស់ Jennie មកទស្សនាការប្រគំតន្ត្រី Born Pink នៅទីក្រុង Los Angeles