ជីវិតកម្សាន្ដ

ផ្ទុះការវែកញែក ក្រោយអតីតតួ ថាងចេង ជាប់ពន្ធនាគារ ១៣ ឆ្នាំ និងអាចនិរទេសចេញពីចិន

បានផុស

៤ years មុន

នៅ

ថ្ងៃចន្ទ ២៨ វិច្ឆិកា ២០២២

ដោយ

បន្ទាប់ពីតុលាការចិន បានកាត់ទោស Kris Wu ឲ្យជាប់ពន្ធនាគារ ១៣ ឆ្នាំ ពីបទរំលោភសេពសន្ថវៈ ក្នុងនោះអ្នកនិយមលេងអ៊ីនធឺណិតនៅកូរ៉េខាងត្បូង ជជែកនិងវែកញែកគ្នាពេញបណ្ដាញសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតតួថាងចេងដែលសម្ដែងក្នុងរឿង “ដំណើរផ្សងព្រេងទៅទិសខាងលិច” នាឆ្នាំ ២០១៧ រូបនេះ ត្រូវបានតុលាការក្រុងប៉េកាំងកាត់ទោសកាលពីថ្ងៃទី ២៥ ខែវិច្ឆិកា ឲ្យជាប់គុក ១៣ឆ្នាំ ក្រោយគេរកឃើញថា លោកមានពិរុទ្ធពីបទរំលោភសេពសន្ថវៈ ហើយអាចនឹងត្រូវនិរទេសចេញពីប្រទេសចិន បន្ទាប់ពីចេញពីពន្ធនាគារ។

ជាមួយគ្នានេះដែរ បន្ទាប់ពីទទួលបានដំណឹងនេះ ហើយដោយសារតែស្ថានភាពរបស់លោក គឺជាអតីតសមាជិកក្រុម EXO អ្នកនិយមលេងអ៊ីនធឺណិតកូរ៉េជាច្រើន ក៏បានចែករំលែកគំនិតរបស់ពួកគេខុសៗគ្នាថា “បើរឿងបែបនេះនៅកូរ៉េ គាត់នឹងប្រឈមនឹងការជាប់ពន្ធនាគារមួយឆ្នាំ និងការកាត់ទោសបីឆ្នាំ ខណៈ Seungri ជាប់គុកត្រឹមតែ១៨ ខែប៉ុណ្ណោះ”! បន្ថែមពីនេះមហាជនមួយចំនួនក៏បញ្ចេញមតិទៀតថា “រឿងមួយដែលខ្ញុំស្រឡាញ់ចំពោះប្រទេសចិន គឺប្រព័ន្ធយុត្តិធម៌របស់ពួកគេ”។ “ចិនសាហាវណាស់ ពេលនិយាយដល់ឧក្រិដ្ឋជន”។ “ខ្ញុំសង្ឃឹមថា គាត់នឹងមិនមកកូរ៉េខាងត្បូងម្តងទៀតទេ បន្ទាប់ពីគាត់ត្រូវបានគេបណ្តេញចេញពីប្រទេស”។ “ខ្ញុំភ្នាល់ថា Cho Doo Soon នឹងត្រូវបានប្រហារជីវិត ប្រសិនបើគាត់ជាជនជាតិចិន។ កូរ៉េគួរតែធ្វើអ្វីដែលចិនកំពុងធ្វើ ចំពោះឧក្រិដ្ឋជន”។

ដោយផ្អែកលើមតិរបស់មហាជនកូរ៉េខាងត្បូង អាចបញ្ចាក់បានថា ប្រជាជននៅប្រទេសនេះមិនស្វាគមន៍រូបលោកឡើយប្រសិនបើ Kris Wu ចេញពីគុក ហើយត្រូវនិរទេសចេញពីប្រទេសចិនដូចដែលតុលាការបានលើកឡើង៕

ប្រែសម្រួល៖ សាង ស្រីល័ក្ខ

ចុចអាន៖Kris Wu អតីតសមាជិកក្រុម EXO ត្រូវតុលាការសម្រេចឲ្យជាប់ពន្ធនាគារ ១៣ ឆ្នាំ