ព័ត៌មានជាតិ
ក្លិបអ្នកកាសែតកម្ពុជា ឯកភាពបង្កើតក្រុមប្រឹក្សាក្រមសីលធម៌វិជ្ជាជីវៈសារព័ត៌មាន
សមាជិក នៃ ក្លិបអ្នកកាសែតកម្ពុជា នៅថ្ងៃទី១៧ ខែធ្នូ ឆ្នាំ២០២២នេះ បានរៀបចំកិច្ចពិភាក្សារួម ស្ដីពី សេចក្ដីព្រាង “សេចក្ដី ថ្លែងការណ៍រួមវេទិកានិពន្ធនាយកសារព័ត៌មានកម្ពុជាលើកទី១៩” ដោយឯកភាព បង្កើតក្រុមប្រឹក្សាក្រមសីលធម៌វិជ្ជាជីវៈសារព័ត៌មានមួយដែលមានសិទ្ធិ និងតួនាទីច្បាស់លាស់ក្នុងការតម្រង់ទិស ក៏ដូចជាកែលម្អវិជ្ជាជីវៈសារព័ត៌មាន។
ការពិភាក្សានេះកើតឡើង ខណៈកន្លងទៅ វេទិកានិពន្ធនាយកសារព័ត៌មានកម្ពុជា យល់ឃើញថា ការពង្រឹងក្រមសីលធម៌វិជ្ជាជីវៈរបស់អ្នកសារព័ត៌មានពិតជាមានសារៈសំខាន់ណាស់ ក្នុងការលើកស្ទួយតម្លៃរបស់សារព័ត៌មាន និងជំនឿរបស់មហាជនមកលើសារព័ត៌មាន ជាពិសេសក្នុងបរិបទនៃការរីកដុះដាល ខ្លាំងនៃសារព័ត៌មានអនឡាញនិង បណ្តាញសង្គម។
វេទិកានិពន្ធនាយកសារព័ត៌មានកម្ពុជា យល់ឃើញថា ក្លិប ឬសមាគមអ្នកសារព័ត៌មានដែលមានសព្វថ្ងៃ គ្មានឥទ្ធិពលគ្រប់គ្រាន់ក្នុងការតម្រង់ទិសអ្នកសារព័ត៌មានទាំងអស់ ឱ្យគោរពក្រមសីលធម៌វិជ្ជាជីវៈរបស់ខ្លួនឱ្យបានត្រឹមត្រូវនោះឡើយដោយសារ ក្លិប និងសមាគមទាំងអស់គ្មានអំណាចស្ដីបន្ទោស ណែនាំ ឬព្រមានដល់អ្នកប្រកបអាជីពសារព័ត៌មាននៅពេលដែលពួកគេប្រព្រឹត្តខុស។
ជាមួយគ្នានេះ វេទិកានិពន្ធនាយកសារព័ត៌មានកម្ពុជា យល់ឃើញថា គ្មានអ្នកដទៃណា ឬស្ថាប័នផ្សេងឯណាអាចមកដើរតួនាទីជំនួសអ្នកសារព័ត៌មានខ្លួនឯងក្នុងការតម្រែតម្រង់ ឬលើកស្ទួយតម្លៃវិជ្ជាជីវៈសារព័ត៌មានបានឡើយ។ ផ្ទុយទៅវិញសាធារណជន ឬស្ថាប័នដទៃតែងតែរិះគន់យ៉ាងខ្លាំងនៅពេលដែលអ្នកសារព័ត៌មានមួយចំនួនប្រព្រឹត្តខុសក្រមសីលធម៌វិជ្ជាជីវៈ។
ក្រោយពីកិច្ចពិភាក្សាបញ្ចេញមតិយ៉ាងផុសផុលបានចប់សព្វគ្រប់ ក្លិបអ្នកកាសែតកម្ពុជា គ្រោងនឹងយក សេចក្ដីព្រាង “សេចក្ដី ថ្លែងការណ៍រួមវេទិកានិពន្ធនាយកសារព័ត៌មានកម្ពុជាលើកទី១៩” នេះ ជូនក្រសួងព័ត៌មាន និងសម្ដេចតេជោ នាយករដ្ឋមន្ត្រី ដើម្បីអនុម័តសម្រេច៕
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ