ជីវិតកម្សាន្ដ

ទម្លាយរឿងពិតទាំង ៦ ពីតួស្រីក្នុងរឿង “ជីវិតនាងឡាំយ៉ង” ពុំសូវមានអ្នកដឹង

បានផុស

៣ years មុន

នៅ

ថ្ងៃពុធ ៣០ វិច្ឆិកា ២០២២

ដោយ

មានមនុស្សតិចណាស់ ដែលដឹងពីខ្សែជីវិតតួស្រីក្នុងរឿង “ជីវិតនាងឡាំយ៉ង” ខណៈបច្ចុប្បន្ននេះ Nune Woranuch នៅតែរក្សាបាននៅកេរ្តិ៍ឈ្មោះ ល្បីសុះសាយមកទល់សព្វថ្ងៃ។ លើសពីនេះ Nune បានប្រឡូកក្នុងវិស័យសិល្បៈថៃអស់២៤ឆ្នាំ រហូតទទួលរហស្សនាមថា តារាពហុជំនាញ។

ទន្ទឹមនោះ ជីវិតរបស់តារាស្រីរូបនេះក៏ពុំសូវមានមហាជនដឹងច្រើនដែរ ហើយខាងក្រោមនេះ កម្ពុជាថ្មីនឹងលម្អិតពីរឿងរ៉ាវ ៦ ចំណុចរបស់នាង។

១ ការចូលទៅក្នុងឧស្សាហកម្មកម្សាន្តលើកដំបូង

Nune ចាប់ផ្ដើមចូលប្រឡូកក្នុងវិស័យសិល្បៈ ដោយមានការបញ្ចុះបញ្ចូលពី Kaew Premier ដែលជាជាងចម្លាក់ដ៏ល្បីរបស់មនុស្សជាច្រើន។ បន្ទាប់មកចាប់ផ្តើមការងារដំបូង ដោយសម្តែងរឿងភ័យរន្ធត់ក្នុងរឿង “Pob Pee Fah” សម្តែងជាតួ “ម៉ានម៉ៃ” នៅប៉ុស្តិ៍លេខ៧ ក្នុងឆ្នាំ ១៩៩៧ ហៅថាជារឿងដំបូងដ៏អស្ចារ្យ ដែលមនុស្សជាច្រើនស្គាល់នាងច្បាស់។

២ តារាស្រីសម្ដែងសឹងគ្រប់ទម្រង់

ជាវីរនារីដែលមានជំនាញសម្ដែង ទោះសម្ដែងក្នុងរឿងមួយណាក៏ដោយ។ ថ្វីត្បិតតែនាងតែងតែគ្រងតំណែងជាតួឯកស្រីទឹកភ្នែក តែនាងជាតារាសម្ដែងដែលអាចសម្ដែងបានគ្រប់តួទាំងរឿងភាគ កំប្លែង តួកាចឬស្លូត។ នៅពេលសម្ដែងជាតួអាក្រក់ នាងតែងទទួលបានការសរសើរផងស្អប់ផងពីទស្សនិកជន។

៣ មានជំនាញខាងរាំរបាំ

តារាសម្ដែងជើងចាស់រូបនេះ បានបញ្ចប់ការសិក្សាពីមហាវិទ្យាល័យសិល្បៈល្ខោន មានជំនាញក្នុងរបាំថៃ ពេលលេងរឿងណាក៏មានរាំដែរ។

៤ ចូលចិត្តជិះស្គីលើទឹកកក រហូតដល់សាងសង់កន្លែងជិះស្គីក្នុងផ្ទះ

ចំពោះអ្នកដែលតាមដាន Instagram របស់នាង ប្រាដកលជាបានដឹងពីការបង្ហាញស្ទីលនៃការជិះស្គីលើទឹកកករបស់Nune មិនខាននោះទេ។ ព្រោះនាងស្រលាញ់ការជិះស្គីលើទឹកកកខ្លាំងណាស់ រហូតសាងសង់កន្លែងជិះស្គីលើទឹកកកក្នុងផ្ទះ។ ដោយសារតែមិនចង់ធ្វើដំណើរឆ្ងាយពេក នាងក៏សម្រេចចិត្តចាយលុយ ដើម្បីប្រែក្លាយបន្ទប់មួយក្នុងផ្ទះ ទៅជាកន្លែងជិះស្គីលើទឹកកកឯកជន។

៥ មានជំនួញរាប់មិនអស់

ក្រៅពីការងារក្នុងវិស័យសិល្បៈ Nune Woranuch ក៏មានមុខជំនួញផ្ទាល់ខ្លួនជាច្រើន ដែលនាងបានសាងពីកម្លាំងញើសឈាមផ្ទាល់ខ្លួន មិនថាជាសាលារាំ អាហារបំប៉ន ភោជនីយដ្ឋាន អាជីវកម្មខុនដូ អាជីវកម្មកែសម្ផស្ស និងផ្សេងៗទៀត រាប់មិនអស់។ ចាត់ទុកថាជាស្ត្រីជំនួញម្នាក់ ដែលជោគជ័យបំផុតមិនធ្លាប់មាន។

៦ នៅតែអាចជាតួឯកបានដដែល

បើទោះបីជាមានអាយុរាងជ្រេបន្តិចក្ដីតែ តែ Nune នៅតែស៊ីដាច់គេរឿងសម្រស់ ជាក់ស្ដែងកាលពីថ្មីៗនេះ ក្នុងរឿង “ភ្លើងស្នេហ៍បញ្ញើក្អែក” របស់ស្ថានីយទូរទស្សន៍ប៉ុស្តិ៍ one31 នាងបានក្លាយជាតួអង្គដ៏គួរឲ្យចាប់អារម្មណ៍មួយទៀតដែលមហាជនសាទរខ្លាំង ។ អ្វីដែលសំខាន់ មិនថាសម្ដែងជាមួយតួប្រុសមានវ័យស្របាលឬវ័យក្មេងទេ Nune តែងតែក្លាយជាតួឯកស្រីដែលផលិតករខ្វះបានមិនបានឡើយ៕

ប្រែសម្រួល៖ សាង ស្រីល័ក្ខ

ចុចអាន៖ទម្លាយស្ថានភាពចុងក្រោយរបស់ Pinky ក្នុងពន្ធនាគារបច្ចុប្បន្ន