ជីវិតកម្សាន្ដ
វណ្ណដា រំភើបខ្លាំងបាននាំយកបទ “Time ToRise” សម្តែងក្នុងពិធីបិទកីឡាជាតិលើកទី៣
កំពូលតារាចម្រៀងរ៉េបលោក វណ្ណដា កាលពីយប់មិញពិតជាធ្វើឲ្យអ្នកគាំទ្រពុះកញ្ជ្រោលអារម្មណ៍ និងមិនខកបំណងឡើយក្នុងការបង្ហាញវត្តមានចូលរួមច្រៀង និងសម្តែងក្នុងពិធីបិទកីឡាជាតិលើកទី៣ និងកីឡាជាតិជនពិការលើកទី១ឆ្នាំ២០២២ នៅពហុកីឡដ្ឋានជាតិមរតកតេជោកាលពីយប់។
ប្រាកដណាស់វត្តមានរបស់ វណ្ណដា នៅក្នុងពិធីនេះ គឺលោកក៏បានសម្តែងទស្សនីយភាពបទ «Time ToRise» ដែលមានវត្តមានចូលរួមជាមួយលោកតាព្រឹទ្ធាចារ្យ គង់ ណៃ និងភរិយាចូលរួមលើឆាកសម្តែងដ៏អស្ចារ្យនេះផងដែរ។ វត្តមាននេះបានធ្វើឲ្យ វណ្ណដា រំភើបចិត្តខ្លាំងជាមួយការពោលពាក្យអគុណចំពោះអ្នកគាំទ្រ។
វណ្ណាដា បានបង្ហាញអារម្មណ៍របស់ខ្លួនដូច្នេះថា ជាដំបូងខ្ញុំបាទពិតជាមានកិត្ដិយសដែលបានចូលរួមសម្ដែងក្នុងពិធីបិទកីឡាជាតិលើកទី៣ និងកីឡាជាតិជនពិការលើកទី១ ឆ្នាំ២០២២ ក្រោមអធិបតីភាពដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ។ នេះគឺជាលើកទី១របស់ខ្ញុំដែលបានធ្វើការ សម្ដែងបទចម្រៀង “Time ToRise” ជាមួយលោកតាព្រឹទ្ធាចារ្យ គង់ ណៃ ព្រមទាំងលោកយាយដោយផ្ទាល់ជូនថ្នាក់ដឹកនាំគ្រប់ជាន់ថ្នាក់ពុកម៉ែបងប្អូន និងហ្វេនៗយ៉ាងច្រើននៅក្នុងពហុកីឡដ្ឋានជាតិមរតកតេជោ។
តារាចម្រៀងរ៉េបលោក វណ្ណដា បានបញ្ជាក់ទៀតថា លោកពិតជាមិនអាចរកពាក្យអ្វីមកប្រៀបផ្ទឹមបានជាមួយនឹងអារម្មណ៍នៅពេលនេះក្រៅពីមានមោទកភាព និងទទួលបានភាពកក់ក្តៅពីសម្លេងអបអរសាទររួមបញ្ចូលជាមួយក្តីស្រឡាញ់។ សូមអរគុណសម្រាប់ការគាំទ្រដ៏អស្ចារ្យមួយនេះសង្ឃឹមថាពួកយើងនឹងមានឱកាសជួបគ្នានាពេលឆាប់ៗនេះ(កីឡារស់ក្នុងសន្ដិភាព កីឡាជាតិលើកទី៣)។
សូមបញ្ជាក់ថា កម្មវិធីកីឡាជាតិលើកទី៣បានបិទបញ្ចប់នៅល្ងាចថ្ងៃទី៣០ ខែវិចិ្ឆកា ឆ្នាំ២០២២នេះហើយដោយមានការអញ្ជើញចូលរួមក្រោមអធិបតីភាពដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានៅឯពហុកីឡដ្ឋានជាតិមរតកតេជោរាជធានីភ្នំពេញ៕
អត្ថបទ៖ ចាន់រ៉ា
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)