ជីវិតកម្សាន្ដ
តារាថៃ ៥ រូប សុទ្ធតែធ្លាប់ត្រូវចោរលួចទ្រព្យសម្បត្តិមានតម្លៃវាល់លាន
ជារឿងមួយដែលមិនមាននរណាម្នាក់ចង់ឲ្យកើតឡើងនោះទេ ជាពិសេសរឿងចោរកម្ម មិនថាជារបស់តូចឬធំ ទោះបាត់ក៏នៅតែសោកស្ដាយខ្លាំងដែរ។ ជាក់ស្ដែងខាងក្រោមនេះ ជាតារាល្បីៗ៥ដួង ដែលធ្លាប់ត្រូវចោរលួចទ្រព្យសម្បត្តិមានតម្លៃវាល់លាន ខណៈអ្នកខ្លះជាមនុស្សស្និទ្ធស្នាលថែមទៀត។
១ Poh Natthawut
អំលុងពេលជំងឺរាតត្បាតកូវីដធ្ងន់ធ្ងរ ហាងមិនអាចបើកជាធម្មតាបានទេ បណ្ដាលឲ្យលោកត្រូវបិទហាងនៅខេត្តកំណើតរបស់ខ្លួនជាបណ្តោះអាសន្ន បន្ទាប់ពីស្ថានភាពជំងឺកូវីដមានភាពប្រសើរឡើង លោកបានទៅត្រួតពិនិត្យហាងដើម្បីសម្អាត និងរៀបចំបើកអាជីវកម្មនៅពេលក្រោយ។ ប៉ុន្តែផ្ទុយទៅវិញ បានរកឃើញថា របស់របរនៅក្នុងហាងនោះ ត្រូវបានយកទៅបាត់ ទ្រព្យសម្បត្តិដែលបាត់បានរួមមាន ទូរទស្សន៍សាំស៊ុង ៤៤អ៊ីញ ម៉ាក Zonra ទំហំ ៤៦អ៊ីញ ម៉ាស៊ីនកិនកាហ្វេ និងរូបព្រះពុទ្ធចំនួន៥អង្គ ដែលត្រូវក្រុមចោរលួចផងដែរ។
២ Cheathavuth
តារាសម្ដែងរូបនេះត្រូវចោរប្លន់២ដង ក្នុងវីដេអូ CCTV បង្ហាញថាមានចោរប្រហែល ៤ នាក់ចូលលួចចូលហាងដែលកំពុងរៀបចំជួសជុលថ្មីនៅតំបន់ Bang Kruai ដែលពេលនេះកំពុងរង់ចាំមេកានិកមកធ្វើការ បង្កឲ្យចោរឆ្លៀតឱកាសចូលលួចរបស់របរមានអាលុយមីញ៉ូម ដែក ស៊ុមទ្វារ និងបង្អួច។ ប៉ុន្តែត្រូវបានគេចាត់ទុកថា ជាទង្វើដ៏សាហាវឃោរឃៅបំផុត ខណៈពួកគេលួចទាំងថ្ងៃទាំងយប់ ដោយមិនខ្លាចច្បាប់។
៣ Ning Panita
ពិធីករវ័យក្មេងដែលមានទេពកោសល្យ Ning ក៏បានជួបផ្ទាល់នឹងព្រឹត្តិការណ៍នេះដែរ។ ជនមិនស្គាល់មុខមួយក្រុមបានលួចចូលក្រុមហ៊ុនដែលនាំចូលគ្រឿងសម្អាងពីប្រទេសកូរ៉េ ដែលមានឈ្មោះថា Dr.Jart ខណៈនាងបាត់បង់ទ្រព្យសម្បត្តិជាង ១.៥លានបាត កុំព្យូទ័រ notebook រួមទាំងក្រែមលាបមុខពីផលិតផលកូរ៉េល្បីៗបាត់១០ប្រអប់។ Ning ផ្តល់បទសម្ភាសន៍ថា “សង្ស័យតែនៅបង្អួចកញ្ចក់នៅជាន់ទី ២ដែលគេទុកចោល ព្រោះមានដំបូលជាប់នឹងអគារនៅចំហៀង ដែលអាចឡើងចូលបាន
៤ Kimberly
នេះធ្វើឲ្យមនុស្សជាច្រើនភ្ញាក់ផ្អើលមិនតិចនោះទេ នៅពេលដែលតារាស្រី Kimberly ទម្លាយថា នាងត្រូវបានគេលួចកាបូបម៉ាកប្រណីតចំនួន ៤ ដែលមានតម្លៃជាង ២ លានបាត ព្រឹត្តិការណ៍នេះត្រូវបានគេដឹងថា នឹងជាមនុស្សជិតស្និទ្ធនឹងនាង។ ព្រោះគាត់ដឹងទាំងលេខកូដចូលបន្ទប់។ កាបូបម៉ាកល្បីៗចំនួន៤ ដែលបាត់នោះមានម៉ាក Hermes constance 24 black epsom rose gold hardware stamp A 2017, Hermes birkin 30 togo black gold hardware stamp T 2015, Hermes birkin 30 capucine(ក្រហម-ទឹកក្រូច) togo stamp Q 2013 silver hardware និង Chanel boy bag 6 bag ។
៥ Ann Thongprasom
វាជារឿងដ៏ធំមួយដែលបានកើតឡើងធ្វើឲ្យអ្នករៀបចំកម្មវិធីដ៏ប៉ិនប្រសប់ Ann Thongprasom មានការភ្ញាក់ផ្អើលជាខ្លាំង បន្ទាប់ពីទ្រព្យសម្បត្តិជាង២០លានត្រូវបានចោរលួច ហើយអ្វីដែលកាន់តែតក់ស្លុតនោះ គឺជនដៃដល់ជាអ្នកស្និទ្ធស្នាលនឹង Ann ខ្លួនឯង។ បន្ទាប់ពីចាប់ខ្លួនជនល្មើស ករណីនេះបានក្លាយជាព័ត៌មានល្បីល្បាញ ដែលមានអ្នកតាមដានយ៉ាងច្រើន។ ដែលថ្មីៗនេះអាចចាប់ជនខិលខូចបានហើយ ខណៈទ្រព្យខ្លះយកបានមកវិញ ហើយមួយចំណែកទៀតកំពុងត្រូវបានគេចាប់យកពីហាងបញ្ចាំ ដែលជនជាប់ចោទបានសន្យាថានឹងដាក់បញ្ចាំ ៕
ប្រែសម្រួល៖ សាង ស្រីល័ក្ខ
ចុចអាន៖Aum Patchrapa កំពុងរកមេធាវី ត្រៀមប្ដឹងក្រុមហ៊ុនល្បីមួយ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ