ជីវិតកម្សាន្ដ

Aum Patchrapa កំពុងរកមេធាវី ត្រៀមប្ដឹងក្រុមហ៊ុនល្បីមួយ

បានផុស

៤ years មុន

នៅ

ថ្ងៃសុក្រ ២ ធ្នូ ២០២២

ដោយ

ជារឿងមួយកំពុងតែកក្រើកនៅប្រទេសថៃ បន្ទាប់ពីតារាសម្ដែង Aum Patchara និងអ្នកចាត់ការផ្ទាល់ខ្លួន បានទៅជួបមេធាវី ត្រៀមដាក់ពាក្យប្ដឹងក្រុមហ៊ុនល្បីមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក នៅទំព័រ Sitra Bia Bangkerd នៃក្រុមមេធាវីបស់លោក តាំ ស៊ីត្រា បានបង្ហោះរូបភាពកំពូលតារាស្រី Aum Patchara និងអ្នកគ្រប់គ្រង A Supachai ដែលមកសុំយោបល់ពីបញ្ហាផ្លូវច្បាប់ ត្រៀមជើងព្រូលលើក្រុមហ៊ុនដែលរំលោភបំពានលើនាង ដោយយករូប Aum ប្រើប្រាស់នៅលើផលិតផលផុតកំណត់។

ដោយលោកមេធាវី តាំ បានសរសេរសារថា “ថ្ងៃនេះ កញ្ញា Aum Patchrapa បានមកពិគ្រោះជាមួយខ្ញុំ និងក្រុមការងារ Sittra Law Firm ដើម្បីសុំយោបល់ផ្នែកច្បាប់ នាងបានប្រាប់ខ្ញុំថាមានក្រុមហ៊ុនរបស់តារាល្បីមួយ បានប្រើរូបភាពរបស់នាងនៅលើប្រអប់ផលិតផលផុតកំណត់។ ទោះបីជាកិច្ចសន្យាបានផុតកំណត់ក៏ដោយ ដែលនេះបានបណ្តាលឲ្យអ្នកទទួលបានការខូចខាត វាជារឿងធំ ខ្ញុំធ្វើការងារនេះដោយខ្លួនឯង”។

យ៉ាងណាមិញ ក្រោយមេធាវីរូបនេះបានទម្លាយ មហាជនជាច្រើបានសម្រុកបញ្ចេញមតិ និងរង់ចាំតាមដានទាំងអស់គ្នា តើនរណាជាក្រុមហ៊ុនរបស់តារាល្បីដែលយករូបភាព Aum Patchrapa ទៅប្រើប្រាស់យ៉ាងដូច្នេះ៕