ជីវិតកម្សាន្ដ
ថ្ងៃទី ១ នៃការប្រឡងបាក់ឌុប! តារាល្បីៗ ចេញសារជូនពរ និងលើកទឹកចិត្តបេក្ខជនទូទាំងប្រទេស
ចូលមកដល់ថ្ងៃទី ១ នៃការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប នាថ្ងៃទី ០៥ ខែធ្នូ ឆ្នាំ ២០២២ នេះ គេកត់សម្គាល់ឃើញមានតារាសិល្បៈប្រុស-ស្រីល្បីៗជាច្រើនដួង នាំគ្នាចេញសារលើកទឹកចិត្ត និងជូនពរបេក្ខជនកំពុងប្រឡងនៅទូទាំងប្រទេស។
ជាក់ស្ដែងចំពោះតារាប្រុស-ស្រីល្បីៗទាំងនោះរួមមាន ៖
១.កំពូលតារាចម្រៀងអ្នកនាង ឱក សុគន្ធកញ្ញា បានបង្ហោះលើទំព័រហ្វេសប៊ុករបស់ខ្លួនថា «ជូនពរប្អូនៗដែលត្រូវប្រឡងសញ្ញាបត្រមធ្យមសិក្សាទុតិយភូមិឲ្យមានស្មារតីរឹងមាំ មោះមុត បំពេញកាតព្វកិច្ចចំនួន ២ ថ្ងៃ ឲ្យបានល្អតាមអ្វីដែលអាចធ្វើទៅបាន។ ស៊ូៗ បង កញ្ញា ផ្ដល់កម្លាំងចិត្តពីចម្ងាយឲ្យណា»។
២.តារាចម្រៀង សុខ សីឡាលីន ក៏បានបង្ហោះសារថា «ក្នុងនាមជាតារាចម្រៀង និងជាមន្ត្រីរាជការមួយរូបដែរ សូមលើកទឹកចិត្ត ប្អូនៗ ក្មួយៗ ដែលត្រូវប្រឡងសញ្ញាបត្រទុតិយភូមិ សូមជូនពរឲ្យជោគជ័យ ធ្វើឲ្យបានល្អ ហើយសំណាងល្អ មានចំណេះដឹង មានសញ្ញាបត្រពិត ទុកជាទុនមួយដ៏សំខាន់ ដើម្បីនាំយើងទៅរកភាពជោគជ័យ នៃការងារផ្សេងៗ មានធនធានមនុស្សច្រើនចម្រើនដល់សង្គមជាតិយើង»។
៣.តារាសម្ដែង នី មុន្នីនាថ បានចេញសារដែរថា «សូមជូនពរប្អូនៗសិស្សានុសិស្សជាបេក្ខជនប្រឡងសញ្ញាបត្រមធ្យមសិក្សាទុតិយភូមិសម័យប្រឡង ថ្ងៃទី ០៥ និងទី ០៦ ខែធ្នូ ឆ្នាំ ២០២២ ទទួលបានជោគជ័យល្អទាំងអស់គ្នា។ សូមជូនពរឲ្យដំណើរការប្រឡងប្រព្រឹត្តទៅបានដោយរលូន និងសម្រេចបានលទ្ធផលល្អ»។
៤.អ្នកនាង សាន់ សាណា ក៏បានបង្ហោះសារដូច្នេះថា «សម្រាប់ការប្រឡងសញ្ញាបត្រមធ្យមសិក្សាទុតិយភូមិ បងសាណា ជូនពរប្អូនៗថ្នាក់ទី ១២ សូមធ្វើឲ្យបានល្អ ទទួលបានលទ្ធផលសមតាមអ្វីដែលប្អូនបានខិតខំ និងសន្សំពីមុនមក ប៉ុន្តែកុំភ្លេចព្យាយាមញ៉ាំអាហារដែលមានអាហារូបត្ថម្ភល្អទ្រទ្រង់រាងកាយឲ្យមានកម្លាំងគ្រប់គ្រាន់ ខួរក្បាលមានភាពរហ័ស ឈ្នះអស់គ្រប់វិញ្ញាសា»។
៥.តារាចម្រៀងលោក ហ្សូណូ បានលើកឡើងដែរថា «ជូនពរប្អូនៗប្រឡងមធ្យមសិក្សាទុតិយភូមិបាក់ឌុបថ្ងៃស្អែកនេះ ទទួលបានលទ្ធផលល្អគ្រប់គ្នា! ស៊ូៗណា!»។
៦.ម្ចាស់ជ័យលាភីពានរង្វាន់ប្រឡងចម្រៀងលំដាប់ពិភពលោក Cambodia Idol លោក លឹម តិចម៉េង ក៏បានបង្ហោះសាររបស់ខ្លួនដែរថា «ប្អូនៗត្រូវប្រឡងទី ១២ ជូនពរឲ្យទទួលបានលទ្ធផលល្អគ្រប់ៗគ្នា»។
និង ៧.តារាចម្រៀង សុវត្ថិឌី ធារីកា ក៏ចេញសារជូនពរប្អូនប្រុស និងបេក្ខជនទាំងអស់ ឲ្យទទួលជោគជ័យផងដែរ៕
អត្ថបទ ៖ ចាន់រ៉ា
-
ចរាចរណ៍១ សប្តាហ៍ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៣ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១ សប្តាហ៍ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ១ សប្តាហ៍ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម៦ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ២ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៣ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ