ជីវិតកម្សាន្ដ

ខាត់ សុឃីម ទម្លាយអត្ថប្រយោជន៍ដែលគូស្នេហ៍គួរមានរួមគ្នា

បានផុស

៤ years មុន

នៅ

ថ្ងៃព្រហស្បតិ៍ ២២ ធ្នូ ២០២២

ដោយ

គេកត់សម្គាល់ឃើញថា ក្រោយជោគជ័យក្នុងវិស័យសិល្បៈយូរឆ្នាំមកនេះ បើក្រឡេកទៅមើលពីជីវិតគូរបស់តារាស្រីពហុជំនាញ ខាត់ សុឃីម រហូតមកដល់ពេលនេះ កំពុងមានសុភមង្គលខ្លាំងណាស់ ខណៈអ្នកនាង និងស្វាមី តែងតែបង្ហាញពីក្ដីស្រឡាញ់ និងភាពផ្អែមល្ហែមនៅក្នុងគ្រួសារ ដើម្បីឲ្យជីវិតគូកាន់តែមានន័យថែមមួយកម្រិតទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតណាស់សម្រាប់ចំណងស្នេហារបស់តារាស្រីអ្នកនាង ខាត់ សុឃីម និងស្វាមីលោក អ៊ិន សុបញ្ញា ហៅ ផាណូ បើគិតមកទល់ពេលនេះ បានចាប់ផ្ដើមឡើងមានរយៈពេលប្រមាណ ១០ ឆ្នាំមកហើយ ដោយចំណងដៃអាពាហ៍ពិពាហ៍ពួកគេទទួលបានកូនម្នាក់ផងដែរ។ លើសពីនេះ ជីវិតគូរបស់អ្នកទាំងពីរតែងទទួលបានការកោតសរសើរពីមហាជន និងអ្នកគាំទ្រគ្រប់គ្នា។

ដោយឡែកស្របពេលដែលសុភមង្គលគ្រួសាររបស់តារាស្រីអ្នកនាង ខាត់ សុឃីម និងស្វាមី កំពុងរស់នៅយ៉ាងមានសេចក្ដីសុខនេះ ស្រាប់តែនាងបានទម្លាយប្រាប់មហាជននូវអត្ថប្រយោជន៍មួយដែលគូស្នេហ៍គួរមានរួមគ្នា ដើម្បីបង្កើនទំនុកចិត្តកាន់តែរឹងមាំបន្ថែមទៀត។ ប្រយោគខ្លីដ៏មានអត្ថន័យរបស់តារាពហុជំនាញ ខាត់ សុឃីម បង្ហើបទៅកាន់អ្នកគាំទ្រដោយលើកឡើងថា “លុយបង និងអូនជាលុយតែ១,នេះជាអត្ថប្រយោជន៍ដែលគូស្នេហ៍គួរមានកុងធនាគាររួមគ្នា(ពួកខ្ញុំបានធ្វើវារួចហើយ ក៏មិនដែលឈ្លោះគ្នារឿងលុយដែរ)។

សូមជម្រាបថា កាលថ្ងៃគម្រប់ខួប ១០ ឆ្នាំ នៃចំណងអាពាហ៍ពិពាហ៍ថ្មីៗកន្លងទៅ តារាស្រីពូកែកំប្លុកកំប្លែងអ្នកនាង ខាត់ សុឃីម ក៏ទម្លាយពីចំណងក្ដីស្នេហ៍យ៉ាងជ្រាលជ្រៅចំពោះវត្តមានស្វាមីដ៏ល្អរបស់អ្នកនាងក្នុងជីវិត។ អ្នកនាង ខាត់ សុឃីម បានរៀបរាប់ថា ១០ មានប៉ុន្មានដង? ពួកយើងធ្វើបានម្ដងហើយ ពេលវេលាដ៏សែនកក់ក្ដៅ និងមានសេចក្ដីសុខបំផុតសម្រាប់មនុស្សស្រី គឺនៅពេលដែលខ្លួនបានក្លាយទៅជាម្ដាយគេ ហើយថែមទាំងមានដៃគូជីវិតពូកែយល់ចិត្ត និងជួយទុក្ខធុរៈបំផុត៕

អត្ថបទ ៖ ចាន់រ៉ា