Liu Yifei ឈ្នះពានរង្វាន់ជាតារាសម្តែងល្អបំផុត ពីកម្មវិធី Golden Lotus Award

ខ្សែភាពយន្ត “a dream of splendor” បាននាំ Liu Yifei ទទួលបានពានរង្វាន់ជាតារាសម្តែងឆ្នើមពីកម្មវិធី Golden Lotus Award របស់ទូរទស្សន៍ម៉ាកាវ នៅឯមហោស្រពភាពយន្តអន្តរជាតិម៉ាកាវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីការចាក់ផ្សាយរឿង “a dream of splendor” ដែលសម្តែងដោយ Liu Yifei ជាតួរឯកស្រី បានក្លាយជារឿងភាគប្រវត្តិសាស្ត្រចិនដ៏ពេញនិយមបំផុតក្នុងឆ្នាំ ២០២២ ហើយខ្សែភាពយន្តនេះត្រូវបានគេវាយតម្លៃ ៨/១០ ពិន្ទុនៅវេទិកាភាពយន្ត Douban ។

ជាមួយគ្នានេះ នៅព្រឹកថ្ងៃទី ២២ ខែធ្នូ ប្រព័ន្ធផ្សព្វផ្សាយជាភាសាចិនក៏បានរាយការណ៍ផងដែរថា Liu Yifei បានឈ្នះពានរង្វាន់ “តារាសម្ដែងឆ្នើម” ពីកម្មវិធី Golden Lotus Award របស់ទូរទស្សន៍ ម៉ាកាវសម្រាប់តួនាទីរបស់នាងក្នុងរឿង “a dream of splendor” ។

បន្ទាប់ពីទទួលបានពានរង្វាន់ Liu Yifei បានសរសេរនៅលើទំព័រផ្ទាល់ខ្លួនរបស់នាងថា”អរគុណសម្រាប់ការគាំទ្រ ហើយពានរង្វាន់ទទួលស្គាល់ដោយមហោស្រពភាពយន្ត នេះគឺជាអំណោយដ៏អស្ចារ្យសម្រាប់ឆ្នាំថ្មី។ សូមអរគុណដល់អ្នកដឹកនាំរឿង Duong Duong និងក្រុមការងារ Mong Hoa Luc ទាំងមូល។ “

យ៉ាងណាមិញរឿង “a dream of splendor” ចេញកាលពីខែ មិថុនា ដោយខ្សែរភាពយន្តនេះមានម៉ាកយីហោជាង ៣០ បានទិញការផ្សាយពាណិជ្ជកម្មនៅពេលដែលភាពយន្តនេះត្រូវបានចាក់ផ្សាយនឹងមានម៉ាកយីហោជាច្រើនតម្រង់ជួរសម្រាប់ការផ្សាយពាណិជ្ជកម្ម ដែលធ្វើឲ្យរឿងរកចំណូលច្រើនផងដែរ៕

ប្រែសម្រូល៖នាងតូច

ចុចអាន៖BLACKPINK ឈ្នះពានរង្វាន់ចំនួន ៨ ពីកម្មវិធី China Year End Music 2022