ជីវិតកម្សាន្ដ

Kim បរិច្ចាគខោអាវក្នុងដល់ជនរងគ្រោះដោយសារភ្លើងឆេះព្រៃនៅ LA តែបែរត្រូវគេរិះគន់

បានផុស

៤ សប្តាហ៍ មុន

នៅ

ថ្ងៃចន្ទ ១៣ មករា ២០២៥

ដោយ

កាលពីថ្ងៃទី ១០ ខែមករា តារាទូរទស្សន៍ Kim Kardashian បានប្រកាសនៅលើ Instagram Story អំពីសកម្មភាពគាំទ្រដើម្បីជម្នះផលវិបាកនៃគ្រោះមហន្តរាយភ្លើងឆេះព្រៃនៅទីក្រុង Los Angeles រដ្ឋ California សហរដ្ឋអាមេរិក ដោយក្នុងនោះបានប្រកាសរបរិច្ចាគខោអាវក្នុងដ៏ធំ។ ប៉ុន្តែបែរជារងការរិះគន់យ៉ាងដំណំពីសំណាក់អ្ន្កលេងអ៉ិនធើណេតទៅវិញ។

តាមរយៈសារនោះតារាស្រីវ័យ៤៤ឆ្នាំបានសរសេរថា «ពួកយើងកំពុងបរិច្ចាគទៅឲ្យ Los Angeles Fire Foundation ដើម្បីផ្តល់ធនធានសំខាន់ៗដល់អ្នកឆ្លើយតបដំបូងដែលមានវីរបុរសការពារទីក្រុងរបស់យើង។ ក្រៅពីនេះពួកយើងក៏បានបរិច្ចាគខោអាវទ្រនាប់ សម្លៀកបំពាក់ និងស្រោមជើងមួយចំនួនធំដល់ Baby2Baby (អង្គការមិនរកប្រាក់ចំណេញដែលផ្តល់ក្រណាត់កន្ទបទារក សម្លៀកបំពាក់ និងសម្ភារៈប្រើប្រាស់ជាមូលដ្ឋានផ្សេងទៀតដល់កុមារដែលត្រូវការជំនួយ) ដើម្បីជួយជនភៀសខ្លួនដោយសារភ្លើងឆេះ។

នៅក្នុងការបង្ហោះមួយទៀត Kim បានផ្ញើសាររំលែកទុក្ខដល់អ្នកដែលរងគ្រោះដោយអគ្គីភ័យ ដោយសន្យាថានឹងជួយ និងអំពាវនាវឲ្យអ្នកគាំទ្របរិច្ចាគ។ ការប្រកាសរបស់នាង កើតឡើងបន្ទាប់ពីម៉ាកយីហោ Skims របស់នាងដែរ ត្រូវបានគេរិះគន់ថា មិនសមហេតុផលសម្រាប់ការផ្សាយពាណិជ្ជកម្មផលិតផលម៉ូដរបស់ខ្លួនក្នុងអំឡុងពេលភ្លើងឆេះព្រៃ ដែលឆេះពេញសង្កាត់ប៉ាស៊ីហ្វិក Palisades កាលពីយប់ថ្ងៃទី០៧ ខែមករា។

យ៉ាងណាមិញ ចំណាត់ការពន្លត់ភ្លើង មិនបានជួយមហាសេដ្ឋីស្រីរូបនេះទទួលបានការសរសើរជាសាធារណៈឡើយ។ ផ្ទុយទៅវិញ អ្នកលេងអ៊ីនធឺណេតមួយចំនួនបានថ្កោលទោសតារាស្រីចំពោះការបរិច្ចាគរបស់របរដែលមិនសមហេតុផល ហើយថែមទាំងសង្ស័យថាវាជាការផ្សាយពាណិជ្ជកម្មផលិតផលទៀតផង។

អ្នក លេងអ៊ីនធឺណិតបានបញ្ចេញមតិថា Kim Kardashian មានប្រតិកម្មអវិជ្ជមាន ហើយតើនាងបានធ្វើអ្វីចំពោះវា? នាងកំពុងបរិច្ចាគសម្លៀកបំពាក់និងខោក្នុងដល់អ្នកដែលបាត់បង់អ្វីៗទាំងអស់ក្នុងភ្លើង។ បញ្ហានេះគ្រប់គ្នាសុទ្ធតែដឹងល្បិចរបស់នាងអស់ហើយ។ តាមរយៈការបរិច្ចាគសម្លៀកបំពាក់ដោយឥតគិតថ្លៃ នាងក៏កំពុងផ្សព្វផ្សាយម៉ាកយីហោរបស់ខ្លួនផងដែរ។ លើសពីនេះ រាល់របស់របរដែលនាងបរិច្ចាគគឺអាចកាត់ពន្ធបាន មានន័យថា នាងពិតជាមិនបាត់បង់មួយកាក់ទេ។

មិនត្រឹមប៉ុណ្ណឹងទេ អ្នកខ្លះថែមទាំងចូលទៅបញ្ចេញមតិបន្ថែមទៀតថា ស្របពេលដែលតារាល្បីៗផ្សេងទៀត បាននិងកំពុងតែបរិច្ចាគប្រាក់រាប់លានដុល្លារ។ តើអ្នកណាត្រូវការខោអាវក្នុងរបស់ Kim ក្នុងពេលបែបនេះ? បន្ទាប់ពីទទួលបានខោអាវទ្រនាប់ហើយ ជនជម្លៀសអាចដាក់ Onlyfans ហើយរកប្រាក់ដើម្បីទិញផ្ទះថ្មីមែន?

មិនត្រឹមតែ Kim ប៉ុណ្ណោះទេ គ្រួសាររបស់នាងក៏ត្រូវបានអូសទាញចូលទៅក្នុងជម្លោះផងដែរ។ មូលហេតុគឺមកពីការបង្ហោះរបស់បងស្រីរបស់នាង Khloé Kardashian នៅលើ Instagram Story ។នៅថ្ងៃទី០៩ខែមករា Khloé បានបង្ហាញថាគ្រួសាររបស់នាងបានបរិច្ចាគអាហាររាប់រយពីភោជនីយដ្ឋាន Carousel ដ៏ល្បីល្បាញដល់ក្រុមអ្នកពន្លត់អគ្គីភ័យនៅទូទាំង Los Angeles ។ ចំនួនទឹកប្រាក់ដែលពួកគេចំណាយសម្រាប់អាហារគឺ ២,៥០០ ដុល្លារ។ សម្រាប់មនុស្សជាច្រើន តួលេខខាងលើគឺតូចពេកបើធៀបនឹងទ្រព្យសម្បត្តិសុទ្ធដែលគ្រួសារ Kardashian កាន់កាប់។ គ្រួសារនេះត្រូវបានគេរិះគន់ថា មានភាពច្របូកច្របល់ដោយកេងប្រវ័ញ្ចសោកនាដកម្មរបស់ប្រជាជន LA ដើម្បីបង្កើតរូបភាព។

ទោះបីជាយ៉ាងណាក៏ដោយ យោងតាមប្រភព TMZ នៅថ្ងៃទី ០៩ខែមករា Kourtney Kardashian, Khloé Kardashian, Rob Kardashian, Kendall Jenner, Kylie Jenner និង Kris Jenner ទាំងអស់ត្រូវជម្លៀសចេញពីវិមានដ៏ស្កឹមស្គៃរបស់ពួកគេជាការប្រុងប្រយ័ត្ន។ នៅល្ងាចថ្ងៃដដែល បញ្ជាជម្លៀសត្រូវបានលើកឡើង ហើយពួកគេអាចត្រឡប់ទៅផ្ទះវិញបាន៕