ជីវិតកម្សាន្ដ

លោក សុះ ម៉ាច ជួបទុក្ខធំ ខណៈអ្នកម្តាយជាទីស្រលាញ់ទទួលមរណភាព

បានផុស

១ year មុន

នៅ

ថ្ងៃសៅរ៍ ៣១ ធ្នូ ២០២២

ដោយ

ដំណឹងមរណទុក្ខដ៏ក្រៀមក្រំ និងសោកស្តាយបំផុត សម្រាប់តារាចម្រៀងលោក សុះ ម៉ាច និងក្រុមគ្រួសារ ដោយសារតែអ្នកម្តាយជាទីស្រលាញ់បានទទួលមរណភាព ក្នុងអាយុ ៨៥ ឆ្នាំ ដោយគ្មានថ្ងៃវិលត្រឡប់វិញឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាជើងចាស់លោក សុះ ម៉ាច បានរៀបរាប់ទាំងអារម្មណ៍សោកសៅថា អ្នកម្តាយរបស់ខ្ញុំលាខ្ញុំរហូតហើយ។ ម្តាយខ្ញុំទៅជួបលោកឪពុក និងជីដូនជីតាញាតិការបស់គាត់ហើយ ម្តាយខ្ញុំផុតកម្មពៀរហើយ។ លោកបញ្ជាក់ថា ម្តាយរបស់លោកទទួលមរណភាព នៅជ្រោយចង្វារ កាលពីវេលាម៉ោង ១១ និង ១៥ នាទីយប់ ថ្ងៃព្រហស្បតិ៍ជាថ្ងៃ ដែលលោកបែកម្តាយគ្មានថ្ងៃជួបគ្មានឮវាចាលោកទៀតឡើយ។

លោក សុះ ម៉ាច និយាយបន្តទៀតថា សូមអ្នកម្តាយទៅឱ្យស្ងប់ក្នុងឋានបរមសុគតិភពចុះ។ ជាតិក្រោយកូនសូមជួបអ្នកម្តាយ និងលោកឪពុកទៀត។ ដំណឹងនេះទុកដូចជាការជម្រាប និងនិមន្តគោរពអញ្ជើញដល់ញាតិមិត្តបងប្អូនផងដែរ។

តាមរយៈដំណឹងមរណទុក្ខដ៏ក្រៀមក្រំនេះ គេឃើញមានអ្នកគាំទ្រព្រមទាំងសិល្បករ-សិល្បការិនីមួយចំនួនធំ បានផ្ញើសារចូលរួមរំលែកទុក្ខដ៏សោកសៅនេះ ជាមួយតារាចម្រៀងលោក សុះ ម៉ាច និងក្រុមគ្រួសារផងដែរ៕