ជីវិតកម្សាន្ដ

អត្ថន័យសាក់ទាំង ១៧ កន្លែងរបស់ Selena Gomez

បានផុស

៤ years មុន

នៅ

ថ្ងៃអាទិត្យ ៨ មករា ២០២៣

ដោយ

ការចាក់សាក់មិនបានបង្ហាញពីចំណុចអាក្រក់របស់មនុស្សឡើយ ពេលខ្លះសាក់ទាំងនោះមានបង្កប់អត្ថន័យសំខាន់ក្នុងជីវិតពួកគេផងមិនដឹង ។ ដូចជា Selena ជាដើម នាងមានសាក់ដល់ទៅ ១៧ កន្លែងឯណោះរួមមាន ៖

១. រូប “ណោតភ្លេង”

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាកដំបូងបង្អស់របស់ Selena គឺ ណោតភ្លេង ដោយសារនាងគឺជាអ្នកចម្រៀង ។ សាក់នេះមានទីតាំងនៅកដៃខាងស្ដាំ ។

២. លេខ “៧៦” ជាលេខរូម៉ាំង

“LXXVI” ជាលេខ “៧៦” ដែលតារាចម្រៀងរូបនេះសាក់នៅក្រោយករបស់នាងក្នុងឆ្នាំ ២០១២ តំណាងឲ្យឆ្នាំកំណើតម្ដាយបង្កើតគឺអ្នកស្រី Mandy Teefey ។

៣. អក្សរ “God who strengthens me”

Selena បកស្រាយថាប្រយោគនេះដកស្រង់ចេញពីវគ្គគម្ពីរដែលនាងចូលចិត្ត ហើយសាក់លើភ្លៅខាងស្ដាំក្នុងចន្លោះឆ្នាំ ២០១២ មានន័យថា “ព្រះជាអ្នកធ្វើឲ្យខ្ញុំរឹងមាំ” ។

៤. អក្សរ “G” តូច

គ្មាននរណាដឹងថាសាក់នេះមានតាំងពីពេលណាទេ ដឹងត្រឹមថាជាសាក់តំណាងឲ្យGracie ប្អូនស្រីរបស់ Selena ។

៥. អក្សរ “Love Yourself First” ជាភាសាអារ៉ាប់

អក្សរនេះសាក់នៅលើខ្នងផ្នែកខាងស្ដាំក្នុងឆ្នាំ ២០១៤ មានន័យថា “ស្រលាញ់ខ្លួនឯងជាមុនសិន” ។

៦. សញ្ញារំលឹកពេលវេលាដែលនាងជួបមិត្តល្អ

សាក់នៅលើត្រគាកខាងឆ្វេងតំណាងឲ្យពេលនាងជួបមិត្តល្អម្នាក់កាលពី ៨ឆ្នាំមុន ។

៧. អក្សរ “sunshine”

Selena បង្ហោះក្នុង Twitter ថា សាក់ដែលនៅលើប្រអប់ជើងស្ដាំសំដៅឲ្យលោកយាយជាទីស្រលាញ់របស់នាង ។

៨. សញ្ញាក្បៀស

Selena Gomez, Alisha Boe, និង Tommy Dorfman មានសាក់ដូចគ្នានៅកដៃតំណាងឲ្យ ការយល់ដឹងអំពីសុខភាពផ្លូវចិត្ត និងការការពារការសម្លាប់ខ្លួន ។

៩. លេខ “1”

Selena សាក់លេខ “1” នៅលើឆ្អឹងជំនីទ្រូងផ្នែកខាងស្តាំរបស់នាង ទុកបង្ហាញពីក្ដីស្រលាញ់ចំពោះមិត្តភាពរបស់នាងជាមួយ Courtney Lopez ។

១០. លេខ “4”

សាក់លេខ “4” ជាមួយមិត្តជិតស្និតទាំង ៣ របស់គាត់គឺ Lopez, Ashley Cook, និងRaquelle Stevens នៅកន្លែងផ្សេងៗគ្នា ។

១១. សញ្ញា “ព្រួញ”

ជាសាក់គូនឹងមិត្តល្អម្នាក់ទៀតគឺ Julia Michaels ចាក់ក្នុងឆ្នាំ ២០១៩ ។ សញ្ញាព្រួញពួកគេនឹងបាញ់ទៅរកគ្នារាល់ពេលកាន់ដៃ ។

១២. រូប “ដៃសំពះ”

នាងបង្ហាញសាក់ដៃសំពះលើភ្លៅខាងឆ្វេងក្នុងឆ្នាំ ២០១៩ ។ អ្នកគាំទ្រសង្ស័យថាសាក់នេះជាសាក់រំលឹកពីអតីតសង្សារចាស់គឺ Justin Bieber ។

១៣. កាលបរិច្ឆេទវះកាត់ប្ដូរក្រលៀន

ថ្ងៃទី ១៩ ខែមិថុនា ឆ្នាំ ២០១៧ ជាថ្ងៃវះកាត់ក្រលៀនដែលបានមកពីមិត្តល្អនាង Francia Raisa ។

១៤. អក្សរ “Rare”

ចំណងជើងអាល់ប៊ុម Solo ទីបីរបស់ Selena ត្រូវចាក់នៅលើកញ្ជឹងករបស់នាងក្នុងខែមករា ឆ្នាំ ២០២០ ។

១៥. សញ្ញា “ឈើឆ្កាង”

នាងគ្រាន់តែចង់បញ្ជាក់ពីសាសនាដែលនាងសម្រេចចិត្តជឿជាក់លើប៉ុណ្ណោះ ហើយសាក់នេះចាក់ក្នុងខែមេសា ឆ្នាំ ២០២១ ។

១៦. រូប “ផ្កាកុលាបពណ៌ផ្កាឈូក”

រូបផ្កាលើខ្នងនេះសាក់នៅខែធ្នូ ឆ្នាំ ២០២១ ដោយសារតារាម៉ូដែលលំដាប់ពិភពលោក Cara Delevingne ធ្លាប់ហៅ Selena ថា “rosebud” (ផ្កាមិនទាន់រីកមានន័យថា ក្មេងស្រីស្អាត) កាលពីក្មេងៗ ។

១៧. អក្សរ “angel”