ជីវិតកម្សាន្ដ

ទម្លាយមូលហេតុ វណ្ណដា ចង់សហការជាមួយកំពូលតារាចម្រៀង ឱក សុគន្ធកញ្ញា

បានផុស

៣ years មុន

នៅ

ថ្ងៃចន្ទ ៩ មករា ២០២៣

ដោយ

ប្រាកដណាស់សម្រាប់តារាចម្រៀងរ៉េបវ័យក្មេង លោក វណ្ណដា នាពេលបច្ចុប្បន្ន ត្រូវបានគេកត់ សម្គាល់ថា លោកមិនត្រឹមតែមានសមត្ថភាពធ្វើបទ Original Song នោះទេ ថែមទាំងមានទីផ្សារគាំទ្រខ្ពស់មិនចាញ់តារារួមជំនាន់ឯទៀតឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វណ្ណដា ក៏ជាតារាចម្រៀងខ្មែរមួយរូបដែលបានធ្វើឲ្យប្រទេសជិតខាងជាច្រើនស្គាល់ពីឧស្សាហកម្មតន្ត្រីនៅកម្ពុជាក្នុងយុគសម័យកាលថ្មី ព្រោះលោកតែងតែនាំយកវប្បធម៌អរិយធម៌ខ្មែរទៅបង្ហាញនៅលើឆាកអន្តរជាតិឲ្យពិភពលោកបានដឹង និងទទួលស្គាល់ជាបន្តបន្ទាប់។

យ៉ាងណាមិញ ស្របពេលទីផ្សារសិល្បៈកំពុងទទួលបានការគាំទ្រច្រើនពីមហាជន និងមិត្តៗ យុវវ័យនេះដែរ តារាចម្រៀងរ៉េបលោក វណ្ណដា កាន់តែធ្វើឲ្យអ្នកគាំទ្រចាប់អារម្មណ៍ថែមទៀត តាមរយៈការប្រកាសចង់ចាប់ដៃគូសហការជាមួយរៀមច្បង ឱក សុគន្ធកញ្ញា។

ជាក់ស្ដែងនៅលើផេកមួយដែលមានឈ្មោះថា THE VANNDA បានទម្លាយឲ្យអ្នកគាំទ្រដឹងថា ថ្ងៃនេះអ្នកគាំទ្របានសួរ បងដា ថា បើ បងដា មានឱកាសអាចសហការជាមួយសិល្បករផ្សេង តើ បងដា ចង់សហការជាមួយសិល្បកររូបណា?។ ជាចម្លើយត្រូវបានលោក វណ្ណដា បង្ហើបថា សម្រាប់សិល្បករស្រុកគេ ប្រសិនបើអាច គាត់ចង់សហការជាមួយ Beyonc é ហើយសម្រាប់សិល្បករក្នុងស្រុក គឺបង ឱក សុគន្ឋកញ្ញា។

ចំពោះហេតុផលដែលតារារ៉េបលោក វណ្ណដា ចង់សហការជាមួយកំពូលតារាចម្រៀង ឱក សុគន្ធកញ្ញា ត្រូវបានប្រភពបញ្ជាក់ថា មូលហេតុដែលគាត់រើសយក ឱក សុគន្ធកញ្ញា ដោយសារតែលោកគិតថា លោកបានសហការជាមួយសិល្បករប្រុសៗច្រើនហើយ អ៊ីចឹងទើបលោកចង់សហការជាមួយសិល្បការិនីម្ដង៕

អត្ថបទ ៖ ចាន់រ៉ា