រ៉ូបតារាស្រី Margot Robbie ចំណាយពេលធ្វើដល់ទៅ ៧៥០ ម៉ោង

ថ្ងៃទី១១ ខែមករា ឆ្នាំ ២០២៣ វេលាម៉ោង ៨ព្រឹក ជាថ្ងៃសម្រាប់កម្មវិធី Golden Globes មានទីតាំងនៅ Beverly Hilton ។ កម្មវិធី Golden Globes មានតារាល្បីៗជាច្រើនចូលរួមដូចជា Jenna Ortega, Selena Gomez, Rihanna និងតារាល្បីច្រើនដួងទៀត ។ ក្នុងចំណោមពួកគេក៏លេចឡើងនូវវត្តមានតារាស្រីជនជាតិអូស្ត្រាលី  Margot Robbie ជាមួយរ៉ូបពណ៌ផ្កាឈូកម៉ាក ​Chanel ផងដែរ ។

រ៉ូប​ពណ៌​ផ្កាឈូកតុបតែងដោយ​ត្បូង​គ្រីស្តាល់​ ជា​ជម្រើស​ដ៏​ស័ក្តិសម​បំផុតសម្រាប់តារា​សម្តែង​រូបនេះ ។ សិប្បករម៉ាក Chanel បានចំណាយពេល ៧៥០ម៉ោង ដើម្បីធ្វើរ៉ូបរបស់ Marget ដែលមានលក្ខណៈពិសេសដោយសារប៉ាក់ក្រណាត់ពណ៌ផ្កាឈូកស្រាល និងស្បៃសូត្រឌិនអង្កាំជាមួយនឹងរោមសត្វ ។ រ៉ូបនេះមានម៉ូដមិនសូវប្លែកទេ ព្រោះវាស្ថិតក្នុងម៉ូដនារដូវស្លឹកឈើជ្រុះរបស់ Chanel ឆ្នាំ ២០២២ ច្នៃម៉ូដដោយនាយកច្នៃប្រឌិត Virginie Viard ។ Katie Young អ្នករចនាម៉ូដរបស់ Margot Robbie និយាយថា “រំភើបណាស់ដែលធ្វើបានការជាមួយ Chanel ក្នុងការបង្កើតរ៉ូបនេះ” ។ នាងបន្តទៀតថា ការធ្វើរ៉ូបត្រូវចំណាយពេលរាប់ខែទម្រាំរួចរាល់តាំងពីររដូវស្លឹកឈើជ្រុះរហូតមកដល់ឥលូវទើបរាងហួសសម័យបន្តិចទៅ ។

ក្រៅពីរ៉ូបដ៏ស្រស់ស្អាត តារាស្រី Margot ធ្វើការលម្អខ្លួនជាមួយក្រវិលពេជ្យធ្វើពីមាស ១៨ការ៉ាត់, ត្បូងខ្ទាស់អាវ, និងចិញ្ចៀនសុទ្ធតែបានពី Chanel ទាំងអស់ ៕

ប្រែសម្រួលដោយ ៖ វារី

ចុចអាន ៖ កម្រាលព្រំក្រហម Met Gala ឆ្នាំ ២០២១ មិនត្រឹមតែការស្លៀកពាក់ប្លែក សូម្បីម៉ូដសក់​ ក៏ប្រសិទ្ធិនាមថា ” សាហាវ “