ជីវិតកម្សាន្ដ

មួយឈុតនេះ លើកសម្រស់ មាន សូនីតា ជះរាងស្អាតខ្លាំង

បានផុស

៣ years មុន

នៅ

ថ្ងៃព្រហស្បតិ៍ ១២ មករា ២០២៣

ដោយ

តារាស្រីធ្មេញជំពើស មាន សូនីតា កន្លងមក ត្រូវបានគេដឹងថា នាងជាតារាស្រីម្នាក់ដែលតែងចូលចិត្តបង្ហាញពីសកម្មភាពផ្សេងៗក្នុងដំណើរកម្សាន្តជាបន្តបន្ទាប់ មិនថានៅក្នុង ឬក្រៅប្រទេសនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពដែលត្រូវបានតារាសម្ដែង មាន សូនីតា យកទៅបញ្ចេញនៅលើបណ្ដាញសង្គមភាគច្រើនទទួលបានការសរសើរពីសំណាក់អ្នកគាំទ្រ។

ប្រាកដណាស់បើតាមការកត់សម្គាល់ទោះបីជាពេលនេះ មាន សូនីតា មានវ័យរាងជ្រេបន្តិចមែនក្ដី ប៉ុន្តែបើសង្កេតឃើញពីរូបសម្ផស្សរបស់តារាស្រីរូបនេះ នៅតែរក្សាបានភាពស្រស់ស្អាត មិនចាញ់តារាស្រករក្រោយឡើយ។ ចាប់អារម្មណ៍នៅលើបណ្ដាញសង្គមហ្វេសប៊ុករបស់នាងជារឿយៗ តែងតែបង្ហោះរូបភាពជាបន្តបន្ទាប់ ដោយមានលក្ខណៈសណ្ឋានខុសប្លែកពីគ្នាតាមរយៈការតុបតែងខ្លួន និងសម្លៀកបំពាក់ជាដើម។

រូបភាពទាំងនោះត្រូវបានគេមើលឃើញថា ពិតជាស្រស់ស្អាត និងទាក់ទាញក្រសែភ្នែករបស់អ្នកគាំទ្រ ហើយមហាជនខ្លាំងទៀតផង។

ជាក់ស្ដែងនៅលើទំព័រហ្វេសប៊ុករបស់ស្រីស្រស់ មាន សូនីតា មុននេះ បានបង្ហោះរូបភាពក្នុងសម្លៀកបំពាក់ឈុតស្បៃពណ៌ខ្មៅអង្គុយកាច់រាងយ៉ាងស្រស់ស្អាតបង្អួតភ្នែកមហាជន និងអ្នកគាំទ្រ បង្កការចាប់អារម្មណ៍គ្រប់គ្នា។

តាមរយៈរូបភាពនេះដែរ ក៏មានអ្នកគាំទ្របានលាន់មាត់សរសើរថា ថ្វីត្បិតតែពេលនេះនាងមានវ័យជ្រេបន្តិចក៏ពិតមែន តែរូបសម្រស់នៅតែស្រស់ស្អាតដដែល។ ចំណែកខ្លះទៀត បាននិយាយដែរថា មាន សូនីតា ជានារីមានទំនុកចិត្តលើខ្លួនឯង៕

អត្ថបទ ៖ ចាន់រ៉ា