ប្រពន្ធថ្មី Kanye សង្ស័យថាជាជនទីបី តាំងពី Kim មិនទាន់លែងលះ

ខណៈការរៀបការស្ងាត់ៗដែលបែកធ្លាយកំពុងទាក់ទាញចំណាប់អារម្មណ៍អ្នកតាមដាន មានរណុកក្នុងម្នាក់បានទម្លាយប្រាប់ថា ការពិត Bianca ជាជនសង្ស័យមកយូរហើយ ។

មនុស្សអាថ៌កំបាំងម្នាក់ដែលជាអ្នកជិតស្និទនឹងគ្រួសារ Kardashians និយាយថា “Kim ស្អប់ស្រីស្អាតណាស់ នាងស្អាត ហើយ Kim ស្អប់ស្រីស្អាត” ។ គាត់បន្តទៀតថា Kim មានអារម្មណ៍សង្ស័យលោក Kanye និង Bianca យូរមកហើយ។ គ្រប់គ្នាស្គាល់ Bianca ដោយសារនាងគឺជា ប្រធានស្ថាបត្យកម្មនៅ Yeezy ហើយការរៀបការនោះមានរយៈពេលលឿនពេក បើគិតពីការលែងលះជាមួយ Kim ទើបតែផុតពីរខែប៉ុណ្ណោះ ។ មួយវិញទៀត Bianca បានចាកចេញពីប្រទេសអូស្ត្រាលីក្នុងខែវិច្ឆិកា ឆ្នាំ ២០២០ ភ្លាមៗបន្ទាប់ពីបញ្ចប់ការសិក្សាថ្នាក់អនុបណ្ឌិតផ្នែកស្ថាបត្យកម្ម ហើយផ្លាស់ទៅទីក្រុង Los Angeles ដើម្បីធ្វើការឱ្យ Yeezy ដែលបង្កជាចម្ងល់មែនទែនព្រោះនាងមិនបានចុះឈ្មោះជាមួយក្រុមប្រឹក្សាចុះបញ្ជីស្ថាបត្យករនៃ Victoria ទេ ។ សូមបញ្ជាក់ដែរថា ការចុះបញ្ជី Victoria ខាងលើគឺជាតម្រូវការចាំបាច់សម្រាប់អ្នកហៅខ្លួនឯងថាជា “ស្ថាបត្យករ” ដើម្បីចុះឈ្មោះបាន បុគ្គលនោះត្រូវមានបទពិសោធន៍អនុវត្តពីរឆ្នាំ និងប្រឡងអនុវត្តស្ថាបត្យកម្មជាប់ផងដែរ ។

ជាក់ស្ដែង Kim មិនមានវិធានការណាមួយប្រឆាំងទៅនឹងគូស្នេហ៍ថ្មីថ្មោងនេះឡើយ គ្រាន់តែនាងហួសចិត្តបន្តិចបន្តួចចំពោះការសង្ស័យដែលក្លាយជាការពិត ណាមួយការរៀបការរបស់ Kanye មិនមានបញ្ជាក់ថាស្របច្បាប់ឬយ៉ាងណាទេ ៕

ប្រែសម្រួលដោយ ៖ វារី

ចុចអាន ៖ ស្ងាត់ៗ Kanye West រៀបការជាមួយនារីថ្មីចោល Kim