ទស្សនាទិដ្ឋភាពបុត្រីច្បងស្ដេចស៊ុលតង់ Hassanal Bolkiah រៀបអភិសេកក្នុងថ្ងៃនេះ

ព្រះនាង Azemah Bolkiah ដែលជាបុត្រីច្បងរបស់ស្ដេចស៊ុលតង់ Hassanal Bolkiah នៃប្រទេសព្រុយណេ បានរៀបអភិសេកជាមួយព្រះអង្គម្ចាស់ Muda Bahar Bolkiah ដែលជាបងប្អូនជីដូនមួយទ្រង់ក្នុងថ្ងៃនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះនាង Azemah និងព្រះអង្គម្ចាស់ Muda Bahar បានចងចំណងនៅក្នុងពិធីអភិសេកតាមប្រពៃណី​ដែលធ្វើឡើងនៅ Istana Nurul Iman ជាលំនៅដ្ឋានផ្លូវការរបស់ស្តេចស៊ុលតង់​។ ព្រះនាង Azemah គឺជាបុត្រីរបស់ Sultan Hassanal Bolkiah ខណៈ ព្រះអង្គម្ចាស់ Muda Bahar គឺជាកូនប្រុសទីពីររបស់ព្រះអង្គម្ចាស់ Haji Jefri Bolkiah។

ដោយឡែកក្នុងពិធីជប់លៀងរបស់ព្រះមហាក្សត្រមួយត្រូវបានធ្វើឡើងនៅ Istana Nurul Iman ក្នុងទីក្រុង Bandar ដែលជាលំនៅដ្ឋានផ្លូវការរបស់ស្តេចស៊ុលតង់ ដើម្បីជាកិត្តិយសនៃពិធីមង្គលការនេះ។ ពិធីជប់លៀង និងពិធីទទួលបដិសណ្ឋារកិច្ចនេះ ក៏ត្រូវបានគេដឹងថាមានការអញ្ជើញចូលរួមពីព្រះចៅស៊ុលតង់ Hassanal Bolkiah និងព្រះអង្គម្ចាស់ Duli Raja Isteri ព្រមទាំងសមាជិកគ្រួសាររាជវង្សដទៃទៀតប៉ុណ្ណោះ។

ខាងក្រោមនេះគឺជាទិដ្ឋភាពដ៏​អធិកអធម​ក្នុងពីធីរៀបអភិសេករបស់បុត្រីច្បងស្ដេចស៊ុលតង់ Hassanal Bolkiah​ គឺព្រះនាង Azemah និងព្រះអង្គម្ចាស់ Muda Bahar។

ប្រែសម្រួល៖ សាង ស្រីល័ក្ខ

ចុចអាន៖ក្មួយស្ដេចព្រុយណេ វ៉ាដាច់ Ronaldo ក្លាយជាកីឡាករបាល់ទាត់មានទ្រព្យច្រើនជាងគេ